شهور وهيطلع الكنز في البحر الأحمر.. بير مليارات في الطريق

 
زي ماقلنا عنا في بانكير كتير ولسه هنقول تاني مصر أرضها وحوفها وبحرها مليانين خير ليوم الدين وكل يوم الخير بيطلع وفاكرين لما قلنا إن مصر واقعة بين بحرين من البترول والغاز محيط  بترول في الشرق وهو الخليج العربي وبحر في الغرب وهو ليبيا.. ياترى ايه اللي حصل في البحر الأحمر وهيغير خريطة الطاقة في مصر والمنطقة كلها وتأثير دا على تدفق وسعر الدولار في المستقبل
 
عملاق استخراج النفط والغاز في العالم شركة شيفرون الأميركية  أعلنت صراحة وبعد شهور من التجارب عن بداية حفر أول بئر استكشافية للبحث عن النفط والغاز في منطقة امتيازها بالبحر الأحمر في مصر بدايه السنة الجاية يعني بعد أقل من ٦ شهور من نهاردة.

وقالت الشركة الأميركية أنها اخيرا انتهت بداية السنة الحالية  من المرحلة الأولى من عمليات المسح السيزمي، والدراسات الجيولوجية، والبيانات الجيوفيزيقية للمنطقة بتكلفة تجاوزت 20 مليون دولار، ولسه هضخ 50 مليون دولار تانية لحفر  البير واللي استمر العمل عليه لمدة  3 سنين كاملة منذ توقيع الاتفاقية في 2020، وعشان تبقي عارفين إن في عمليات استكشاف النفط والغاز بيسبقها حاجة اسمها تجارب المسح السيزمي ده واللي مهمته زي جهاز السونار كده بيعرف فيه بترول في المكان دا ولا لأ على بعد اعماق كبيرة في باطن الأرض ومن التصريحات والمؤشرات اللي طلعتها شيفرون يظهر كده أننا قدام كشف بترولي وغازي ضخم هيغير شكل صناعة الطاقة في العالم لأن الشركة لسه هصخ مليارات الدولارات في مشروعات الاستكشاف في المنطقة والشركات العالمية زي شيفرون مش بيصرفوا دولار واحد غير لما يكونوا متأكدين أنهم هيلاقوا البترول والغاز.

ولو مش فاكر نفكرك إن شيفرون هي اللي اكتشفت حقل غاز نرجس1 في البحر المتوسط من فترة قريبةوقدرت مصادر وقتها حجم الاحتياطيات القابلة للاستخراج من نرجس بحوالي 3.5 تريليون قدم مكعبة وكمان فازت  شیفرون الأميركیة سنة 2019 في أول مزايدة عالمية طرحتها مصر للتنقيب والبحث عن البترول في البحر الأحمر وباجمالي امتياز مساحته 10 آلاف كيلومتر مربع، وبحجم استثمارات حدها الأدنى 326 مليون دولار اللي هتزيد لعدة مليارات من الدولارات في المراحل التالية في حالة تحقيق الاكتشافات.

شركة "شيفرون" أكدت على هامش إعلان إنجازاتها في مصر إنها ملتزمة بخطة العمل المقدمة منها لوزارة البترول المصرية في مناطق الامتياز البحرية والمياه العميقة في منطقة البحر الأحمر وبما يتماشى مع خبرتها الكبيرة في الاستكشاف وإنتاج البترول والغاز من المناطق البحرية والمياه العميقة في مصر.
وعشان نعرف قد إيه قطاع البترول والغاز في مصر واعد وهيكون قاطرة التنمية والتدفقات الدولارية هو إعلان طارق الملا وزير البترول والثروة المعدنية من كام يوم عن حجم استثمارات ضخمة في قطاع البترول والغاز وأكد إن مصر عندها خطة لاستكشاف 35 بير جديد للغاز الطبيعي في السنتين اللي جايين العامين واستكشافات آبار الغاز هتوصل قيمتها إلى 1.8 مليار دولار

وقال الوزير إن هيام استكمال الحفر الاستكشافي لأعمال النفط بتكلفة 8 مليارات دولار السنة الجاية وأشار لحجم وقدرات مصر في البنية الأساسية لصناعة البتروكيماويات والغاز وقال عندنا قدرات لمحطات إسالة الغاز والتصدير بطاقة 12 مليون طن، وبنستخدم بس نص طاقة محطات إسالة الغاز والتصدير يعني المحطات جاهزة لاستقبال بوادر الاكتشافات الجديدة.