ضربة السيسي تربك حسابات الدولار.. تطور جديد في أزمة العملة

من يوم ما الرئيس عبدالفتاح السيسي ضرب ضربته ولمح بشكل واضح ان مصر مش هتعوم الجنيه تانى على الأقل على المدى القريب وفيه ارتباك واضح للدولار سواء في السوق السوداء او فى اسواق الدهب أو حتى مؤخرا في سوق العقود الآجلة غير القابلة للتسليم واللى شهدت تطور جديد ومهم بعد كلام الرئيس .. فيا ترى ايه اللي حصل؟ وتأثيره ايه على سعر العملة الأمريكية؟ 
 
من الاسكندرية فاجئ الرئيس السيسي كل الناس يوم ما اتكلم على أزمة الدولار يمكن لأول مرة بالشكل ده.. ويومها قال ان مصر بتطبق سعرن صرف مرن للجنهيه قدام الدولار لكن لو ده هييجي على حساب مصلحة الناس مش هينفع حتى لو ده تعارض مع مطالب وشروط صندوق النقد الدولي .
ضربة السيسي عملت حرفيا انقلاب فى السوق السودا للدولار وسعر العملة الأمريكية انهار مع تأكد المضاربين ان خلاص مولد تخفيض قيمة الجنيه انفض وانخفض سعر الدولار من 41 الى مستويات من 34 الى 36 جنيه ورغم كده مفيش تنفيذ لأى عمليات بيع أو شرا الكلام ده كمان انعكس على اسعار الدهب اللى بتشهد انخفاضات حادة فى اخر كام يوم وزي ما كلنا عارفين سعر الدهب مرتبط بشكل كبير بسعر العملة فى السوق السودا ومع اى هبوط ليه بتهبط اسعار الدهب. 
وفى الفترة الأخيرة كمان حصل تطور مهم بعد تصريحات الرئيس عن مرونة سعر الصرف، وتراجع الدولار أمام الجنيه المصري بالعقود الآجلة غير القابلة للتسليم بشكل ملحوظ ، ووصل إلى مستوى الـ 40 جنيه للدولار الواحد لأجل 12 شهر بعد ما كان وصل الى 44 جنيه فى وقت سابق.
حد هيسال ويقول وهي ايه العقود الآجلة اصلا للجنيه؟
بص يا سيدي العقود الآجلة هي عقود بتتم بين طرفين وكل طرف بيحط رهانه في العقد على السعر اللي ممكن يوصل ليه الجنيه بعد سنة من دلوقتي وعشان كده  بيسموها عقود آجلة أي لا تحدث بشكل عاجل. يعنى مثلا لو اشتريت جنيه بعقد آجل لمدة سنة بسعر 40 جنيه للدولار الواحد، وبعد مرور السنة دي  لو  كان سعر الدولار 50 جنيه هتحقق ربح كبير، أما لو فضل السعر زي ما هو أو انخفض أقل من الـ 40 فلن تحقق أي أرباح. وبالتالي لو  العقود دي توقعت ارتفاع بالدولار ده بيدل على أن فيه مخاطرب تحيط بالجنيه المصري، والعكس صحيح. وفى حالة الجنيه المصري احنا بنتكلم عن عقود آجلة غير قابلة للتسليم، و تعتبر مجرد أداة تستخدم عموما للتحوط أو المضاربة على العملات لما  بتزيد ضوابط الصرف من صعوبة تداول الأجانب في السوق الفورية مباشرة.