افريقيا هتخلص على الدولار.. خطوة مفاجئة لصالح مصر

 
من بعد الحرب الروسية الأوكرانية واستغلال الولايات المتاحدة الامريكية الدولار كسلاح في حريها ضد روسيا وحضارها اقتصاديا من خلال تجميد ارصدة لموسكو بمليارات الدولارات وكل دول العالم استوعبت الدرسة وفيه اتجاه من كل الدول للتخلى عن الدولار في المعاملات التجارية والاعتماد على العملات المحلية.

ومؤخرا ، وفي خطوة مفاجئة بدأت الدول الافريقية تخش على خط الأزمة وبدانا نشوف تحركات الهدف منها الاعتماد على عملات بديلة للعملة الأمريكية وفيه نظام بيتعمل دلوقتي هيكون نظام دفع عمومى بين كل دول القارة السمراء هيتم بمقتضاه اجراء كل المعاملات التجارية بالعملات المحلية.
ووفقا لرئيس بنك التصدير والاستيراد الأفريقي «أفريكسيم بنك» من المتوقع انضمام انضمام من 15 إلى 20 دولة إلى نظام الدفع والتسوية الأفريقي بحلول نهاية 2023.
وتم تدشين منصة للمنظومة الجديدة سجل فيها لحد دلوقتي 9 دول من دول القارة.
وأوضح أوراما ، الذي يمول بنكه نظام الدفع والتسوية الأفريقي، إن والنظام الجديد المعروف باسم «PAPSS» هيستخدم أسعار صرف الدولار في الوقت الحالي، «لكن مستقبل هيعمل   «أفريكسيم بنك» مع البنوك المركزية لتطوير آلية سعر الصرف اللي من شأنها أن تسمح بعملات أفريقيا البالغ عددها 42 عملة قابلة للتحويل فيما بينها»
وبتتم الغالبية العظمى من التجارة البينية لإفريقيا من خلال التحويلات إلى الدولار وبتسعى مبادرات زي «PAPSS» واتفاقية التجارة الحرة القارية الأفريقية، واللي من شأنها إنشاء أكبر منطقة تجارة حرة في العالم حسب المنطقة ، إلى تعزيز التجارة الداخلية عن طريق تقليل الحواجز ، بما فيها الحاجة إلى وسطاء زي الدولار الأمريكي.

وخطوة زي انشاء نظام الدفع لعموم أفريقيا هيكون ليه دور مهم وقوى في دعم مصر في ازمة نقص العملة اللى بتعانى منها لأنها في تعاملاتها مع أشقائها الفارقة هتسوى المعاملات دي بالعملة المحلية ومش هتكون محتاجة للدولار 
وتخيل تجمع فيه اكتر من 50 دولة يتخلى عن التعامل بالعملة الأمريكية ده كمان هسكون ليه تأثير قوي جدا على مستقبل الدولار في المنطقة.