علشان البلد تقف على رجليها.. دعوات مستمرة لوقف التعامل مع السوق السوداء
البلد دي فيها ناس بتحبها وحريصة على تقدمها.. وعلشان كدا في دعوات مستمرة على السوشيال ميديا من مواطنين عاديين ومستوردين ورجال دولة بعدم التعامل مع السوق السودا.
ودا لأن السوق السودا حرفيا بتأثر على اقتصاد البلد بشكل سلبي للغاية.. أنت عارف يعني اية لما الفلوس اللي بالعملة الصعبة اللي بنجيب بيها أدوية من برة وسلع استراتيجية.. ماتكونش متوفرة وبالتالي مانقدرش نجيب الأدوية والسلع.. والسبب هو أن الفلوس راحت السوق السودا بدل ما تروح البنوك.
الناس ماسكتتش.. وبدأت تدعوا بغزارة لوقف التعامل مع السوق السوداء.. ودا هايأثر عليها يعني هايأثر عليها.
وفي الوقت الحالي.. البنك المركزي ناوي يطلق شهادات إدخار بالدولار بفائدة تصل ل ١٠٪.
والشهادات دي من شأنها أنها تشل حركة السوق السوداء لأن الناس هاتقبل على المصارف المشروعة وتاخد نسب عالية
كمان السوق السودا التعامل معاها يعني أنت متهم ووفقا للقانون فالعقاب هو السجن والغرامة.
وبالمناسبة سعر الدولار في السوق السوداء انخفض ل ٣٥ جنيه بعد ما كان ب ٤٠ جنيه.
