أسرار صفقة فوادفون مصر

رغم الخلاف بين مصر وصندوق النقد الدولي على أداء الحكومة المصرية في برنامج الطروحات وبيع الشركات لتحصيل 2 مليار دولار قبل انتهاء شهر يونيو الجاري حسب الاتفاق إلا إن مصر شغالة على البرنامج بأعصاب هادية جدا ومش بتبيع غير لما تكون الصفقة مربحة زي ماحصل كده في حصة الـ10% في شركة المصرية للاتصالات.. الجديد في برنامج الطروحات هو بيع حصة المصرية للاتصالات في شركة فودافون مصر وتفاصيلها والجهة اللي هتشريها..
 

استحواذ جهاز قطر للاستثمار على حصة الحكومة من شركة فودافون 

مصادر مطلعة قالت إن جهاز قطر للاستثمار الصندوق السيادي القطري، بيقترب من الاستحواذ على 25 إلى %30 من  حصة فودافون مصر،  من خلال شركة اتصالات الدوحة «Ooredoo».

وفي الكواليس كانت هناك محاولات ومفاوضات على مدار الساعة بتم في الخفاء وبعيد عن العلام لإعادة إحياء صفقة استحواذ الصندوق القطرى على جزء من حصة المصرية للاتصالات، البالغة %44.95 فى فودافون مصر، بعد توقفها فى مطلع 2023، بسبب التسعير والنسبة النهائية.

وحسب مصادر قريبة من الصفقة الجانب القطرى بيعمل على التواجد فى سوق الاتصالات المصرية من خلال مرحلتين، الأولى بتستهدف الاستحواذ على جزء من حصة المصرية للاتصالات فى فودافون مصر بهدف التعرف على طبيعة المنافسة والدخول لمجلس إدارة الشركة.

الشركة المصرية للاتصالات 

وحسب المصادر فالخطة القطرية بتشمل إمكانية الاستحواذ الكامل على حصة المصرية للاتصالات لو وافقت السلطات المصرية ووقتها هتبدأ الدوحة مفاوضات لاحقة مع فوداكوم الشركة الجنوب أفريقية المالكة لـ %55 لإتمام السيطرة الكاملة على مشغل المحمول الأكبر فى السوق المحلية.

وعشان نفكركم في ديسمبر اللي، تم تنفيذ صفقة استحواذ فوداكوم –وهي شركة الاتصالات الجنوب أفريقية على 55% من فودافون مصر بقيمة 59.7 مليار جنيه، تمثل حصة مجموعة فودافون العالمية بقيمة 451.91 جنيه للسهم.

القيمة السوقية لـ«فودافون مصر»

وأشارت المصادر إلى أن القيمة السوقية لـ«فودافون مصر» تقدر بحوالي 3 مليار دولار حاليًا، مقارنة مع 5 مليارات قبل التعويم الأخير للجنيه، في وقت لبتتراوح قيمة حصة المصرية للاتصالات بين 1.2 إلى 1.3 مليار دولار.
وبخصوص سعر الصفقة القطرية لشراء فودافون مصر فلسه التفاصيل عنها طي الكتمام لكم مش هتقل عن القيمة المعلنة قبل كده حسب تأكيد خبراء السوق.