قرار جديد هيعمل انقلاب في الأسعار.. ضربة موجعة في وقت صعب

من بعد الحرب الروسية الأوكرانية وفيه تقلبات كبيرة في سوق النفط وبعد ما الأسعار سجلت مستويات غير مسبوقة في الشهور الأولى بعد الغزو الروسي لتركيا وسجل سعر البرميل أكتر من 120 دولار بعد ماكن ب 65 دولار رجعت الأسعار تتفاوت لغاية ما وصلنا حاليا لحوالي 75 جنيه للبرميل وده اللى خلا الدول المنتجة للبترول تاخد في الساعات الأخيرة قرار خطير هيكون ليه تداعيات سلبية على الأسواق وعلى الأسعار خلال الفترة الجاية.. فيا ترى ايه اللى حصل؟ وهل القرار الجديد تأثيره هيوصل لمصر؟
 
مجموعة "أوبك+" اللي بتتكون من أكبر الدول المنتجة للنفط في العالم قررت تخفيض مستوى الإنتاج المستهدف لعام 2024 بواقع 1.4 مليون برميل عن مستهدفات الإنتاج الحالية.
وأعلنت 7 دول هي السعودية وروسيا، والعراق، وسلطنة عُمان، والإمارات، والجزائر، والكويت تمديد خفض إنتاج النفط الطوعي لغاية نهاية السنة. .
وأعلن مصدر مسؤول في وزارة الطاقة السعودية أن المملكة خدت إجراء احترازي بتمديد خفضها التطوعي البالغ 500 ألف برميل يوميًا حتى نهاية شهر ديسمبر 2024، بالتنسيق مع بعض الدول المشاركة في اتفاق"أوبك+"
ووصف وزير الطاقة السعودي، الأمير عبدالعزيز بن سلمان، اتفاق تخفيض الإنتاج بانه قرار غير مسبوق وقال انه من خلال القرار ده أوبك بلس عاوزة تثبت للعالم أنها بتمتلك أدوات استقرار السوق النفطية
وكشفت وزارة الطاقة السعودية أن المملكة هتقوم بتنفيذ تخفيض تطوعي إضافي في إنتاجها من البترول الخام، مقداره مليون برميل يوميا، ابتداء من شهر يوليو لمدة شهر قابل للتمديد، لينخفض إنتاج النفط السعودي إلى 9 ملايين برميل يوميا.

وهيكون الإنتاج المستهدف للسعودية بحدود 9.9 مليون برميل يوميا في عام 2024، مع الأخذ في الاعتبار تمديد التخفيضات الطوعية.
وفي نفس السياق، أعلنت روسيا، عن قرار مماثل للقرار السعودي، وقررت تمديد تخفيضاتها الطوعية من الإنتاج لنهاية 2024.
وقال نائب رئيس الوزراء الروسي، ألكسندر نوفاك، بعد اجتماع لتحالف "أوبك+"، إن بلاده هتمدد خفضها الطوعي لإنتاج النفط البالغ 500 ألف برميل يوميا حتى نهاية 2024.
وطبعا تخفيض انتاج يعنى قلة في المعروض وارتفاع في الطلب وبالتالي هتزيد أسعار البترول عن الأسعار الموجودة دلوقتى وفيه توقعات قوية ان سعر البرميل ممكن يوصل الى 90 دولار وطبعا ده هيكون ليه تأثير على أسعار كل السلع اللي بيتم نقلها وكمان على سعر تكلفة الإنتاج خصوصا ان البترول داخل في تشغيل كتير من المصانع حول العالم
وفى مصر ممكن ده يبقا ضغط جديد على موازنة الدولة خصوصا ان الدولة لسه لحد النهاردة بتدعم البنزين والسولار وفيه لجنة لتسعير المواد البترولية بتجتمع كل 3 شهور عشان تحدد الأسعار ومع ارتفاع البترول عالميا ممكن معاه تتحرك أسعار البنزين والسولار في مصر.