اكتشاف جديد في كفر الشيخ هيحل أزمة نقص العملة.. اعرف حكايته من بانكير
أرض مصر مليانة كنوز وخيرات لسه لحد دلوقتى ما تمش اكتشاف معظمها، وفى وقت الحكومة بتدور فيه على مصادر دولارية جديدة عشان تحل أزمة نقص العملة اللى بيعانى منها الاقتصاد من بعد الحرب الروسية الاوكرانية ربنا بيبعتكل شوية هدية من عنده ممكن تساهم في سد عجز الموازنة.. ومنها حاجة تم الاعلان عنها فى الكام ساعة الأخيرة.. فيا ترى ايه اللى حصل ؟ وايه الحاجة الجديدة اللى تم اكتشافها؟ وايه تأثيرها على صادرات مصر افترة الجاية؟
اكتشاف جديد
شركة «فينترسال دِيا» الألمانية أعلنت النهاردة عن نجاحها في اكتشاف جديد للغاز الطبيعي ضمن امتياز دسوق في منطقة دلتا النيل البرية ، وبئر الغاز الجديد ده هيساعد جدا فى حل أزمة نقص العملة خصوصا وان معظم انتاج مصر من الغاز الطبيعي بيتم تصديره للخارج.
وتركّزت العمليات في البئر الاستشكافية الجديدة في خزّان أبوماضي داخل امتياز دسوق بموجب اتفاقية تطوير الحقول في المنطقة دي.
وبيأتي الاكتشاف الجديد بعد اكتشاف الشركة من فترة قريبة في منطقة التنقيب في شرق دمنهور في يناير من اللى فات
وبيتم تشغيل مشروع غاز دسوق من قبل شركة «ديسوكو»؛ وده مشروع مشترك بين فينترسال دِيا والشركة المصرية القابضة للغازات (إيجاس).
شركة إيجاس
تشكّل الاحتياطات الجديدة المُضافة فى اكتشاف دسوق مثال جديد على التعاون المثم بين شركة إيجاس وشركات التنقيب الأجنبية وهيكون ليها مردود إيجابي على استمرارية الإنتاج في دسوق
وبهدف تسريع الإنتاج وزيادة العوائد على الصعيد الاقتصادي، تستخدم فينترسال دِيا البُنى التحتية في دسوق والموجودة بالقرب من البئر الموصولة بشبكة الغاز الطبيعي الوطنية.
وعشان نعرف أهمية اكتشاف الغاز الجديد فى محافظة كفر الشيخ هنقول لحضراتكم شوية أرقام مهمة عن حجم صادارت مصر من لاغاز الطبيعي السنة اللى فاتت.
الغاز الطبيعي
فى شهر ديسمبر أعلنت وزارة البترول عن تحقيق رقم قياسي في صادرات مصر من الغاز الطبيعي لتصل إلى 8 مليون طن مقارنة بنحو 7 ملايين طن فى 2021 .
وبلغ إجمالي الإنتاج من الثروة البترولية خلال عام 2022 نحو 79.5 مليون طن بواقع نحو 27.8 مليون طن زيت خام ومتكثفات، ونحو 50.6 مليون طن غاز طبيعي، و1.1 مليون طن بوتاجاز بخلاف البوتاجاز المنتج من مصافي التكرير والتصنيع.
ولو ترجمنا أرقام الصادرات دي الى دولارات هنلاقي ان مصر حققت مليارات من تصدير الغاز للخارج السنة اللى فاتت والفلوس دي لعبت دور مهم جدا في تعوفير سيولة دولارية فى وقت صعب العالم كله بيشتكي فيه من أزمة اقتصادية طاحنة
