جنون الدولار يحرق سوق السيارات.. رقم محصلش من 5 سنين
يا ترى ايه اللى بيحصل فى سوق السيارات فى مصر؟ وازاي الأسعار ارتفعت بشكل غير مسبوق؟ وليه حركة البيع والشرا شبه متوقفة؟ وايه علاقة ده كله بالمضاربة على سعر الدولار فى السوق السوداء؟
بيانات رسمية حديثة كشفت انخفاض مبيعات السيارات في السوق المصرية بنسبة 69% على أساس سنوي خلال شهر أبريل اللى فات بالتزامن مع استمرار التأثير السلبي لنقص الدولار على الواردات.
ووفقا لتقرير صادر عن مجلس معلومات سوق السيارات المصري "أميك"، باع الموزعين أقل من 5100 مركبة خلال أبريل، مقارنة بحوالي 16.6 ألف مركبة خلال الشهر نفسه السنة اللى فاتت ، ويعتبر معدل المبيعات خلال شهر إبريل الماضي الأدنى من بداية 2018 لحد دلوقتي.
وانخفضت مبيعات سيارات الركوب بنسبة 70% على أساس سنوي وسجلت 3800 سيارة فقط، و تراجعت مبيعات الحافلات بنسبة 59%، ومبيعات الشاحنات بنسبة 69%. كما تراجعت مبيعات أبريل بنسبة 23% مقارنة بشهر مارس الماضي، و سجلت مبيعات سيارات الركوب انخفاض بنسبة 17%، ومبيعات الحافلات بنسبة 31%، وتراجعت مبيعات الشاحنات بنسبة 39%.
ومن وقت ظهور أزمة شح الدولار في السوق خلال الربع الأول من 2022 ولحد دلوقتي بتواجه سوق السيارات في مصر أزمة عنيفة، وبيقابل المستوردين صعوبات في توفير الدولار اللازم لإتمام عمليات الاستيراد، بالاضافة الى تلاعب التجار فى الأسعار واضافة اوفر برايس كبير جدا على السعر الاجمالي.
وبسبب عدم تمكن المستوردين من الحصول على العملة الصعبة، ظهرت مشاكل بين حاجزي السيارات والوكلاء والموردين، ولجأ عدد كبير من العملاء لجهاز حماية المستهلك مع إقامة دعاوى قضائية بسبب مطالبة الشركات والتجار بمبالغ إضافية رغم إتمام عملية الحجز وسداد كامل تمن السيارة.
وا تسببت الأزمة في ارتفاعات قياسية بأسعار السيارات المستعملة في ظل عدم وجود وفرة في السيارات الجديدة تغطي الأعداد المطلوبة.
وخلال السنة اللى فاتت انخفض إجمالي مبيعات السيارات بأكتر من التلت بسبب قيود الاستيراد اللى خلت من المستحيل على الموزعين استيراد سيارات تامة الصنع ومستلزمات تجميع السيارات وقطع الغيار، وأجبرت عدد من شركات تصنيع السيارات العالمية على وقف مبيعاتها لمصر.
وكشفت البيانات الصادرة عن المجمعة المصرية للتأمين الإجباري على المركبات، أن عدد المركبات الكهربائية التلي تم التأمين عليها وتم ترخيصها من أول يوليو 2021 وحتى 30 أبريل 2023 بلغ نحو 2337 مركبة متنوعة.
واحتلت ماركة "فولكس فاجن" المرتبة الأولى في السيارات الملاكي، وكانت المرتبة الأولى من نصيب ماركة "أي دي 4" واللي بلغت 182 سيارة، وماركة "واي دي 4 إكس" بـ 145سيارة، و ماركة "جولف" 128سيارة، وماركة "اي دي 4 كروس" بـ 126 سيارة .
