كارثة في سوق الألبان

هنا في بانكير اكتر مكان اتكلم وحذر من ظواهر استغلال الأزمات وقال إن الأزمة بتعدي لكن الشيء مش بيرجع لأصله وكنا بنقصد اللي بيحصل في الأسواق المصرية والأسعار وبعض الظواهر اللي بانت في أزمة الدولار وحذرنا إن الخطر على الأسواق والناس مش الدولار لكن من جشع التجار والمضاربين ولو الأزمة خدت وقتها هتخلص وتعدي لكن طمع بعض التجار بيخليها تستمر وتطول لأنهم مستفيدين من الوضع.. تعالو نشوف الفضيحة اللي كانت على الهوا مباشرة واللي بتأكد إن الأسواق ماشية من غير بوصلة والجشع هو اللي فارض نفسه وازاي سلعة. فيها اكتفاء ذاتي وسوقها فيه ركود وبردوا سعرها بيرفع
فااصل

حازم المنوفي، رئيس شعبة المواد الغذائية بالإسكندرية، فجر مفاجات من العيار التقيل امبارح وقال إن بعض المنتجين خفضوا إنتاج الألبان بدل من تخفيض الأسعار، ودا نصرف غير مش هيحل أزمة الأسعار وقال المنوفي في مداخلة ف أحد البرامج إن  40% من اللبن اللي في السوق  لبن بودرة وييتم استيراده من الخارج، وهو ما يؤدي إلى رفع أسعاره نتيجة لزيادة التكلفة النهائية.

رئيس شعبة المواد الغذائية قال في كلامه إن علبة اللبن زادت خلال السنة 30%، وسعرها من 28 إلى 30 جنيها حاليا، ومو رأيه تخفيض حجم الإنتاج خطر  جدآ والأفضل إن السوق يبقي عرض وحسب كلامه مصر  عندها وفرة في الإنتاج المحلي من الألبان، وسعر زجاجة لتر اللبن زاد بنسبة 10%، في الـ6 أشهر الأخيرة.

والغريب زي ما قال رئيس الشعبة ان سوق منتجات الألبان حاليا بيعاني من  ركود بعد شهر رمضان، تأثرا بخفض شركات منتجات الألبان الكبرى من إنتاجها نتيجة تراجع القوى الشرائية يعني العقل بيقول أسعار اللبن تنزل الأرض زي ما رفعت عشان كان فيه طلب ولا عشان الأسعار تفضل عالية يبقي اقلل الإنتاج وخلي السعر في العالي حتى لو الناس مش بتشتري.
اللي بيحصل طبعا دا تهريج ومخالف لكل الأعراف التجارية والموضوع مبقاش تجارة وبيع وشراء وبقي استغلال واحتكار والمواطن هو اللي بيحاسب على الفواتير من جيبه، يعني اللي بيصعبها على المصريين دلوقتي مش الأزمة العالمية ولا الحكومة ولا نقص السلع لكن التجار نفسهم في كل السلع.

وبعدين ازاي سوق مهم جدا زي الألبان يحصل فيه كده ومحدش يدخل حتى لو كان اللي بيقلل الإنتاج قطاع خاص ومتقدرش تجبره على الالتزام بحصة الإنتاج لكن تقدر تعاقبه من خلال قوانين كتير وفي نفس الوقت الحكومة ممكن تدخل باشكال تانية كتير عشان تنزل سعر اللبن اللي مفيش بيت في مصر بيستغنى عنه والناس دفعت واشترت لما كان بالغالي ودلوقتي من حقها تشتريه لما سعره يرخص.
وحسب  تأكيد محمد الطاروطي رئيس الجمعية المصرية لمنتجي الألبان تراجع إنتاج مزارع الألبان بنسبة 30% من نهاية شهر رمضان ، تأثرا بخفض شركات منتجات الألبان الكبرى من إنتاجها يعني من الاخر التجار والشركات بيقولك هتشتري بالغالي يعني هتشتري بالغالي ومفيش حاجة اسمها عرض وطلب ولا قانون ولا ضمير.