مصر تخترع مورد جديد للدولارات

كلنا فاكرين ايام الضلمة وانقطاع الكهرباء بالساعات والايام قبل ٨ سنين وازاي العالم كان بيضحك علينا وبعد ما وصل الريس السيسي لمصر اتغيرت الصورة والدولة دخلت تحدي لتوفير الطاقة وإنشاء محطات في وقت قياسي ووصلنا لمرحلة. الاكتفاء الذاتي ووجود احتياطي كبير من الكهرباء ودا خلى مصر تفكر في استثمار الفائض وبيعه للدول المجاورة من خلال الربط الكهربائي ولأن مصر مستمرة في مشروعات الطاقة الكهربائية وخاصة النظيفة الاحتياطي بيزيد وبقت الكهربا مصدر اضافي للدولار زيه زي قناة السويس وتحويلات المصريين عشان كده الدولة شغالة على الملف ده بقوة.. تعالو نشوف الارقام والخطط.
 
خلال 8 سنين بس  مصر حولت العجز  الى فائض نتيجة المشروعات العديدة التي تم تنفيذها، وارتفعت قيمة الاستثمارات العامة في قطاع الطاقة الكهرباء الى 886 مليار جنيه خلال  سنوات قليلة تتعد على الصوابع ومن كام يوم.
الدكتورة هالة السعيد، وزيرة التخطيط والتنمية الاقتصادية كشفت توجيه استثمارات خلال العام الجديد قدرها 81.4 مليار جنيه، لصالح قطاع الكهرباء والطاقة المتجددة، منها استثمارات عامة حوالي 69.4 مليار جنيه، بنسبة 85% من الإجمالي.

الجديد بقى إن مصر صدرت من الطاقة الكهربائية للخارج بحوالي  110 ملايين دولار ما يعادل 3.4 مليار جنيه خلال عام 2022 والرقم دا طبعاً هيزيد بشكل كبير الفترة الجاية مع إتمام الربط الكهربائي مع السعودية ومع إيطاليا ومع اليونان يعني الكهرباء المصرية هي اللي بتنور مدن وتشغل مصانع في قلب اوروبا عير قبرص واليونان وإيطاليا ده غير الخطوط مع السودان والأردن وليبيا.
كل التوقعات مع المشروعات اللي بتم وخاصة طاقة الرياح والضبعة الصادرات هتعدي المليارات من الدولارات وبكده مصر هتفضل تنمي القطاع ده بواسطة جزء من الإيرادات ومع زيادة الطلب على الطاقة مصر هتبقي مركز الكهربا في افريقيا وجنوب المتوسط والشرق الأوسط.