ضربات موجعة للذهب من كل اتجاه.. هل يحدث الانهيار الكبير؟

فى اخر اسبوعين بيواجه الدهب ضغوط غير مسبوقة هوت بالسعر العالمي من 2080 دولا الى 1950 دولار للاونصة فى وقت كانت التوقعات بتقول ان السعر رايح فى سكة ال 2500 دولار.. فيا ترى ايه اللى حصل؟ وليه حصل انهيار فى السعر العالمي للدهب؟ وهل ده ممكن يأثر على اسعار الدهب هنا فى مصر؟
 
عرضت أسعار الذهب، اليوم الثلاثاء، 
اسعار الدهب اتعرضت لضغوط ملحوظة فى الأيام الأخيرة أدت لهبوط المعدن الثمين، ومن أهم الضغوط دي التفاؤل بشأن تسوية قضية سقف الديون الأمريكية، بجانب مؤشر الدولار الثابت والقوي اللي بيتلقى الدعم من تصريحات مسؤولي الفيدرالي اللى حركت الأسواق خلال الأيام اللى فاتت.
وأعلن الرئيس الأمريكي جو بايدن إنه عقد اجتماع مثمر مع رئيس مجلس النواب كيفن مكارثي حول الحاجة لمنع تخلف الولايات المتحدة عن سداد ديونها.. وده  الأمر اللي بينذر بانتهاء الأزمة وأثرسلبًا على أسعار الدهب.
وقللت تصريحات رئيس مجلس النواب من جاذبية الدهب ومن شهية المستثمرين لللاستثمار فى المعدن النفيس، انتظارا للي هيحصل الأيام الجاية خصوصا ان فيه زخم حوالين الدولار بسبب التصريحات اللى طالعة من مسئولى الفيدرالى واللى بتشير الى امكانية الاستمرار فى سياسة التشديد النقدي. 
وفى تصريحات لرئيس بنك الاحتياطي الفيدرالي في سانت لويس قال ان ممكن يكون فيه حاجة لرفع الفايدة الفترة الجاية على الأقل مرتين لغاية نهاية 2023 ، والتصريح ده مع  تصريح رئيس بنك الاحتياطي الفيدرالي في مينيابوليس قال فيه ان حملة التقشف النقدي لسه مخلصتش ساهموا فى هبوط أسعار الدهب بشكل ملحوظ. 
طب هل سقوط الدهب عالميا ممكن يأثر على سعره فى مصر؟ 
بنسبة كبيرة لأ لأن للأسف سوق الدهب فى مصر سابق السوق العالمي بمراحل وسعر الجرام محسوب بسعر دولار يزيد على ال 44 جنيه يعنى حتى أعلى من سعر العملة الأمريكية فى السوق السودا للدولار، وده بيفسر ليه الدهب فى مصر هو الأغلى على مستوى العالم