اشتري دهب من غير مصنعية ولا أي رسوم.. هنقولك الطريقة السحرية اللي هتريحك

فيه ناس كتير نفسها تستثمر فلوسها في الدهب بس خايفة من سعر المصنعية والرسوم اللي بتفرضها محلات الدهب.. بس خلاص أخيرا تقدر تحط فلوسك في الدهب وتشتري أي كمية انت عاوزها وفى نفس الوقت ما تدفعش لا مصنعية ولا رسوم .. هتقولى ده يحصل إزاي ؟ ومين اللى بيعمل كده .. هقولك شوف الفيديو ده للآخر
 
من كام يوم تم اطلاق صندوق صندوق "ايه زد جولد" للاستثمار في الدهب وده أول صندوق من نوعه في مصر مخصص للاستثمار في الدهب، ويعتبر الأول من نوعه في السوق المحلية، وبيتم إطلاقه عبر شراكة بين شركتين كبار هما شركة “إيفولف القابضة” و “أزيموت مصر” و بيتوافق مع مبادئ الشريعة الإسلامية.
طب مين مسموح ليه يستثمر في الصندوق ده ؟ 
الصندوق بيسمح للمؤسسات والأفراد بالاستثمار في منتج الدهب من غير شراء الدهب العيني نفسه، وبيُتيح عملية الاستثمار بأسعار تبدأ من 10 جنيه للوثيقة الواحدة.
واحد هيسأل ويقول اشترى وثيقة الدهب دي إزاي؟ 
الاكتتاب في صندوق الدهب هيبدأ خلال أيام قليلة ويمكن للعميل فتح حساب لدى شركات تلقى الاكتتاب وبتوصل لحوالي 8 كيانات، من بينها "أزيموت" نفسها  والأهلى فاروس ومباشر لتداول الأوراق المالية وثاندر و”نعيم” وغيرهم.
وبيتم تحويل المبلغ المالي المراد استثماره، وبعدها توقيع الاستمارة الخاصة بشراء الدهب من خلال الصندوق، وبذلك يتم تحويل المبلغ المالي إلى شهادة.
وما هي كيفية البيع والشراء داخل الصندوق 
من المقرر أن تتم تسوية أموال البيع للوثائق بعد يومين من إتمام العملية، لكنب تتم التسوية لأموال شراء وثيقة الدهب في نفس اليوم.
ووفقًا لتوضيح شركة “مباشر لتداول الأوراق المالية” واللي بتعتبر واحدة من متلقى الاكتتاب وده  بيعني أنه لو اشترى العميل 10 وثائق يوم الاتنين هتتم عملية الدفع والتسوية في نفس اليوم، بينما تتم التسوية لعملية البيع يوم الأربعاء.
وممكن العميل يبيع جزء من الوثائق مش كلها ، ويقدر يبيع 10 وثائق من أصل 50 وثيقة اشتراها على سبيل المثال.
وهل فيه عمولات للاستثمار في صندوق الدهب؟ 
ممن مميزات في صندوق الدهب انه مفيش عمولة على شراء وثيقة صندوق الدهب، لكن بيتم احتساب مصاريف بنسبة 4.9% من قيمة العملية في حالة البيعب تتناقص مع الاحتفاظ بقيمة الاستثمار وتستهلك على 3 سنين
طب لو عاوز اطلع من الصندوق وابيع الدهب اعمل ايه.؟
يحق  للمستثمر استرداد أموله أو جزء منها، بالإضافة لأرباحها المحققة عقب أي فترة يرغبها من تاريخ اكتتابه في الصندوق، وفي حالة الرغبة في الحصول على المبالغ نقدية يتم التسييل وفقًا لسعر بيع اليوم.
والصندوق كمان بيتيح عملية الاسترداد العيني مع تحمل تكلفة استرداد بحد أدنى 50 جرام، مع العلم أن الصندوق بيستثمر في السبايك فقط.
حد هيسأل ويقول و إيه هي مميزات الاستثمار في صندوق الدهب تخليه خيار أفضل من شرا الدهب نفسه ؟ 
الصندوق بيتيح الاستثمار بمبالغ صغيرة وبدون حد أقصى بالإضافة لضمان التعامل في دهب معتمد ومضمون مع توفير جزء من تكلفة الحصول على الدهب زي تكلفة المصنعية اللبى يحصل عليها التجار.
والصندوق بيوفر كمان خدمات الحفظ لدى أماكن معتمدة ومسجلة بسجلات الهيئة العامة للرقابة المالية وده هيحافظ على ممتلكات المستثمرين من الدهب من السرقة أو التلف.