مفاجأة في سعر الدولار بالسوق السوداء.. ماذا حدث ؟

النهاردة في السوق السوداؤ..  سعر الدولار تراجع إلى ما دون الـ 33 جنيه للدولار الواحد مقابل 30.95 جنيه في البنوك.

والسبب في التراجع هو أن البنك المركزي وفقا لمصادر ماعندوش نية لتعويم الجنيه.. ومنها هنا بقى المتحكم في سعر الدولار هو آلية العرض والطلب.

دا بالإضافة كمان لتعافي الجنيه المصري في سوق العقود الآجلة غير القابلة للتسليم، حيث تم تداول عقد الجنيه لمدة شهر واحد حول 32.9 للدولار، ودا بعد التعافي من أدنى مستوى إغلاق على الإطلاق عند 35.3 في 25 أبريل.

ومؤخرا بدأ البنك المركزي يعتمد سياسة جديدة شعارها "خير وسيلة للدفاع هي الهجوم" يعنى البنك المركزي دلوقتي ما بقاش رد فعل للي بيحصل فى السوق السودا للدولار .. لا ده بقا هو اللي بيبادر وبياخد اجراءات مفاجئة بتعمل ارتباك واضح بين المضاربين واخر الاجراءات دي كان اعتماد آلية العقود الآجلة والتحوط ضد تقلبات سعر الصرف وده اللى خلا المركزي يحط سعر 32 جنيه للدولار فى شهر مايو الجارى و35 في الشهر الجاي وده طمن المستثمرين وخلا تعاملاتهم فى السوق الرمية تزيد لأن الدولار حتى وان كان سعره اقل شوية فى البنوك عن السوق الموازية لكنه تعامل شرعي وآمن ومفيش فيه أى خطورة.

وكمان منتظر مصر يدخلها موارد دولارية مهمة سواء من خطة الطروحات لعدد من الشركات المملوكة للدولة فى البورصة واللى وفقا لتصريحات رسمية لوزير المالية متوقع تدخل 2 مليار دولار فى نهاية 2023.