أول خبر حلو من 2022.. ماذا قال الفيدرالي عن الفائدة وموقف البنوك
من بعد اندلاع الحرب الروسية الأوكرانية في بداية 2022 ولحد دلوقتي كل الأخبار اللى جاية من بنك الاحتياط الفيدرالي الأمريكي كلها وحشة ويا اما بتحذر من مصيبة او بتقول ان فيه كوارث ممكن تحصل.. لكن النهاردة الحمد لله أخيرا جه خبر حلو من الفيدرالي .. خبر ممكن يكون ليه تداعيات إيجابية مهمة على الأسواق مش في الولايات المتحدة بس لكن في العالم كله.. فيا ترى ايه اللي حصل؟ وليه بنقول على خبر الفيدرالي خبر حلو رغم ان الأوضاع في كل الأسواق مش ولابد؟
النهاردة ولأول مرة من فترة طويلة أكتر من سنة بنك الاحتياط الأمريكي لمح بشكل واضح جدا انه ممكن يتوقف عن رفع الفايدة في اجتماعه اللي جاي.. وأكد عضو الفيدرالي الأمريكي، فيليب جيفرسون في تصريحات ليه ان التضخم بدأ في الانخفاض وبدأ الاقتصاد في التباطؤ بطريقة منظمة وسلسة وأوضح ان التوقعات بتقول ان التضخم هيواصل انخفاضه بالتزامن مع استمرار الاقتصاد في النمو.. وده في وقت بدأت فيه البنوك في رفع معايير الإقراض، بشكل يؤكد على قوة ومرونة النظام المصرفي.
وعانى القطاع المصرفي الأمريكي من انهيار أربعة بنوك كبار وده أدى إلى زيادة القلق من أن الضغوط ممكن تدفع الاقتصاد إلى الركود.
وأظهر مسح ربع سنوي لمعايير الإقراض، نشره بنك الاحتياطي الفيدرالي ان البنوك كشفت عن معايير أكثر صرامة وطلب أضعف على القروض في الربع الأول من 2023 .
ورفع الفيدرالي الأمريكي سعر الإقراض القياسي 10 مرات متتالية بداية من مارس 2022 ولحد دلوقتي وصولا إلى مستوى من 5٪ إلى 5.25٪ في محاولة منه لتقييد التضخم المرتفع.
وألمحت اللجنة الفيدرالية للسوق المفتوحة، وهي لجنة بنك الاحتياطي الفيدرالي اللي بتحدد أسعار الفائدة، في بيان عقب اجتماع السياسة اللى استمر يومين الأسبوع اللى فات إلى أنها ممكن توقف حملة التشديد الأكثر عدوانية منذ التمانينيات لتقييم كيفية تأثير التقييد التراكمي على الاقتصاد.
ولي ميعرفش معنى وأهمية وقف رفع الفايدة في أمريكا خلينا نقول لحضرتك ان ده قرار في منتهى الأهمية والخطورة خصوصا للأسواق الناشئة زي حالة مصر كده لأن أي رفع في سعر الفايدة الامريكية بيزود تكلفة الإقراض وبيؤدي الى تخارج الاستثمارات الأجنبية غير المباشرة غير انه بيضعف قيمة أي عملة محلية لأن استثمارات كلها بتروح للدولار باعتباره أكتر أمان وأرباحه أكبر ووقف رفع سعر الفايدة هيعمل انتعاشة في الأسواق وهيخلى المخاوف تهدا والغموض اللى بيسيطر على مستقبل الاقتصاد يزول.
