بنك الإسكندرية.. أسوأ خدمة بنكية.. شكاوي مكررة من المواطنيين
تلقينا خلال الأيام اللي فاتت شكاوي كتير من بنك إسكندرية.. شكاوي متعلقة بالتحويل وطرق السداد وغيرها من الأمور
ومن ساعات.. كتب أحد المواطنين شكوى بشأن عملية تحويل تمت من خلال البنك
أحد العملاء قال.. إن البنك بيقدم أسوأ خدمة بنكية في الوقت الحالي واللي حصل معاه أنه حول مبلغ لشخص آخر عن طريق تطبيق البنك.. وبالرغم من أن اسم البنك كان مكتوب غلط إلا أن عملية التحويل تمت بالفعل
الفكرة بقى إن الشخص اللي متحول عليه الفلوس ماوصلتوش الفلوس بقاله ٤ شهور.. وفي نفس الوقت الفلوس اتخصمت من حساب الشخص اللي حول الفلوس
أخينا اللي حول الفلوس قال إنه قدم شكوى بالفعل علشان يتم معالجة الموضوع لكن للأسف المشكلة ماتحلتش .. دا كمان جاله رسالة بأن المشكلة اتحلت ودا ماحصلش حسب كلامه
برضوا صاحب المشكلة مش سكت وكلم خدمة العملاء ولكن ولا حياة لمن تنادي.. كل شوية خدمة العملاء تقوله في يا فندم مشكلة في السيستم.. يا فندم مافيش حاجة ظاهرة على السيستم.. لما فاض بيه كتب على الفيس بوك علشان يلحقه ونصح كل صحابه بعدم التعامل مع البنك
ااه صحيح.. كمان هو نشر المستندات اللي بتثبت أنه قام بعمل عملية التحويل...
على الفيس الناس تفاعلت معاه بشكل كبير وأكدوا أن البنك بيقدم في الفترة الحالية أسوأ خدمة بنكية
