عمرو أديب: السوق المواز للدولار رجع وفيه أسعار بتزيد
كشف الإعلامي عمرو أديب، عن توقعه لسعر الدولار الأمريكي مقابل الجنيه المصري، مشيرًا إلى أنه لا يفهم في الاقتصاد، ولكنه شخص متابع للسوق.
وقال «أديب»، في تعليق خلال برنامجه «الحكاية»، الذي يعرض عبر قناة «إم بي سي مصر»، اليوم الجمعة: «أنا لا أعرف ولا أتنبأ، ولا أفهم في الاقتصاد، لكن بفهم في السوق والأسعار والدولار، وكشخص أنظر للسوق يوميًا، في اليومين التلاتة اللي فاتوا شايفين صعود جديد للدولار أمام الجنيه».
وأضاف: «الأمر كان توقف، لكن النهارده عامل 24.60 جنيه، أنا بتكلم عن سعر البنوك وسعر المركزي، منين بشوف إنه ممكن يتحرك شوية، ممكن أبقى غلط، لما بشوف السعر الموازي، لأنه أصبح هناك سعرًا موازيًا، فالسعر الموازي بقى أكثر، أنا عرفت منين، لأني ابتديت أشوف سلع زي الأعلاف مثلا ابتدت تزيد، بعد ما كانت هديت شوية».
وتابع أديب: «لما يبتدي الدولار دمه مش خفيف، بنبتدي نشوف سلع معينة تبدأ في التحرك مرة أخرى، فيبدو إن في الأيام القادمة السعر سيتحرك قليلًا، كثيرًا؟ معرفش، قد إيه؟ معرفش، ليه؟ معرفش، ما أحب على قلبي أطلع غلطان».
