طفرة في النقل المصري.. رفع كفاءة عربات القطارات 90% وإضافة 15 ميناء بحريا جديدا

من 65% لـ90%.. ومن 14 لـ19 ميناء بحري! مصر بتكشف بالأرقام عن تغييرات كبيرة في خريطة النقل، والأرقام دي وراها تفاصيل مهمة.

رئيس الوزراء مصطفى مدبولي أعلن إن كفاءة عربات قطارات الركاب ارتفعت لـ90%، مقارنة بـ65% قبل 2014، وكمان كفاءة عربات نقل البضائع وصلت لـ75% بدلًا من 50%.

مش بس كده، عدد عربات الركاب ارتفع لـ3710 عربات، مقابل 2643 عربة قبل 2014، يعني زيادة في حجم الأسطول بحوالي 40%.

أما في النقل البحري، فعدد الموانئ ارتفع من 14 ميناء لـ19 ميناء، ضمن خطة لتوسيع قدرات مصر في استقبال السفن وتداول البضائع وربط الموانئ بشبكات الطرق والسكك الحديدية.

والهدف من التكامل ده إن حركة البضائع تبقى أكثر كفاءة، وتكاليف النقل ووقت وصول الشحنات يقلوا، بما يدعم التجارة والصناعة والصادرات المصرية.

لكن التحدي الحقيقي مش في زيادة الأعداد والنسب بس، إنما في انعكاس التطوير ده على انتظام القطارات، وجودة الخدمة، وسرعة نقل البضائع على أرض الواقع.