قبل نهاية 2030.. مصر تستهدف خفض الدين الخارجي لأقل من 70%

مصر بتحط هدف كبير للدين قبل 2030.. لكن إزاي الحكومة هتقدر تقلل الديون وتوفر فلوس أكتر للإنفاق على الخدمات والتنمية؟

وزير المالية أحمد كجوك أعلن إن مصر بتستهدف خفض الدين لأقل من 70% من الناتج المحلي الإجمالي بحلول يونيو 2030، وده ضمن خطة لإدارة الدين وتحسين مؤشرات الاقتصاد.

الخطة مش قائمة على سداد الديون بس، لكنها بتعتمد كمان على زيادة موارد الدولة من خلال توسيع القاعدة الضريبية، وتحسين تحصيل الإيرادات، وتعظيم العائد من أصول الدولة وأرباح الشركات والهيئات التابعة لها، من غير فرض أعباء جديدة على المواطنين.

ووزير المالية كشف كمان إن الدين الخارجي لأجهزة الموازنة انخفض بنحو 6 مليارات دولار خلال 3 سنوات، مع سداد مبالغ أكبر من الاقتراض الجديد.

والهدف من تقليل أعباء الدين إن الدولة تقدر توفر حيز مالي أكبر للإنفاق على الصحة والتعليم والحماية الاجتماعية، بدل ما تروح نسبة كبيرة من الموارد لسداد الالتزامات.

لكن الوصول للمستهدف بحلول 2030 هيفضل مرتبط بقدرة الحكومة على زيادة الإيرادات، وضبط الاقتراض، وتحقيق نمو اقتصادي مستدام.