النقل على موعد مع طفرة جديدة.. 54 محطة جديدة تدخل الخدمة العام المقبل

لو فاكر إن خريطة النقل في مصر خلصت مفاجآتها.. استنى 2027.

العام الجاي مصر على موعد مع تشغيل 3 مشروعات نقل كهربائي ضخمة، بإجمالي 54 محطة جديدة هتدخل الخدمة تباعًا.

البداية من الإسكندرية، مع تشغيل المرحلة الأولى من مترو الإسكندرية بعد تحويل خط أبو قير القديم إلى مترو كهربائي حديث، بطول حوالي 22 كيلومتر، و20 محطة.

وفي القاهرة الكبرى، يدخل مونوريل غرب النيل الخدمة، ليربط أكتوبر الجديدة والشيخ زايد بالمهندسين، من خلال 13 محطة على امتداد حوالي 44 كيلومتر.

أما المشروع الأضخم، فهو الخط الأول من شبكة القطار الكهربائي السريع، واللي هيمتد من العين السخنة لحد مرسى مطروح، مرورًا بالعاصمة الإدارية والقاهرة الكبرى والإسكندرية والعلمين والساحل الشمالي، ويضم 21 محطة على مسار يقارب 660 كيلومتر.

يعني 2027 مش مجرد سنة تشغيل مشروعات جديدة، لكنها سنة هتشهد إضافة عشرات المحطات لواحدة من أكبر خطط النقل الكهربائي في مصر.