لو معاك فلوس زيادة.. تشتري سبيكة دهب بكام؟

لو بتفكر تحافظ على قيمة فلوسك، سبائك الذهب عيار 24 لسه من الخيارات اللي عليها إقبال كبير في السوق المصري.

الميزة هنا إن السبائك بتوفر أوزان مختلفة تناسب كل الميزانيات، يعني ممكن تبدأ بسبيكة 5 جرامات بحوالي 35 ألف جنيه، أو 10 جرامات بحوالي 70 ألف جنيه، وكل ما السيولة تزيد تقدر تتجه لأوزان أكبر، زي الـ20 والـ50 والـ100 جرام.

لكن قبل ما تشتري، في 3 حاجات لازم تركز فيهم.

أول حاجة، اتأكد من الفاتورة وبيانات السبيكة، والوزن والعيار والرقم التسلسلي.

تاني حاجة، اسأل عن المصنعية ونسبة الاسترداد وقت إعادة البيع، لأن المصنعية بتختلف حسب الوزن والشركة.

وتالت حاجة، حدد هدفك من الشراء، لأن السبائك مناسبة أكتر للادخار والاستثمار على المدى المتوسط والطويل، مش للشراء والبيع السريع.