عربيات مصر ولعت.. قفزة 50% و3 قطاعات شايلة 48% من الاقتصاد

العربيات في مصر داخلة على نقلة كبيرة.. وصناعة السيارات نفسها سجلت قفزة وصلت لـ50% خلال الربع الأول من العام المالي 2025/2026.

والقفزة دي مش لوحدها.. لأن الصناعة التحويلية غير البترولية حققت نمو قوي، وعلى رأس الصناعات اللي دعمت الزيادة كانت صناعة المركبات ذات المحركات، بنمو حوالي 50%.

وفي الصورة الأكبر، الاقتصاد المصري حقق نمو 5.1% خلال العام المالي 2025/2026، مقابل 4.4% في العام اللي قبله.

واللافت إن 3 قطاعات رئيسية، وهي الصناعة والاتصالات والتجارة، ساهمت مع بعض بحوالي 48% من إجمالي النمو المحقق.

يعني ببساطة.. صناعة السيارات مش بس بتتحرك، دي جاية ضمن موجة توسع صناعي أكبر، مع توجه لزيادة التصنيع المحلي والتوسع في التصدير للأسواق الإفريقية.

ومع دخول استثمارات وشراكات جديدة في تصنيع السيارات ومكوناتها، مصر بتحاول تبني قاعدة صناعية أكبر للقطاع خلال الفترة الجاية.