خريطة تشغيل مشروعات النقل الجديدة.. مونوريل غرب النيل أبريل 2027 والقطار السريع يوليو
لو بتستخدم المواصلات بشكل يومي، فالفترة الجاية هتشهد تغييرات كبيرة في منظومة النقل في مصر.
وزير النقل كامل الوزير أعلن عن مواعيد تشغيل عدد من المشروعات الجديدة، مع استمرار خطة تطوير السكك الحديدية.
حاليًا، القطارات بتنقل حوالي مليون ونصف راكب يوميًا، والوزارة مستهدفة توصل بالعدد لأكتر من مليوني راكب يوميًا بحلول 2030، مع تطوير الإشارات ورفع كفاءة الخطوط وتأهيل العاملين.
أما مونوريل غرب النيل، فالتشغيل الرسمي للجمهور متوقع خلال أبريل أو مايو 2027، والمشروع طوله 43.8 كيلومتر وبيضم 13 محطة، وهنقدر من خلاله نربط أكتوبر والشيخ زايد بشبكة النقل الرئيسية.
وكمان القطار الكهربائي السريع هيبدأ نقل الركاب في يوليو 2027، على الخط الأول الممتد من العين السخنة لحد مرسى مطروح بطول 660 كيلومتر و21 محطة.
يعني من الآخر، خريطة المواصلات في مصر داخلة على مرحلة جديدة من التطوير والتكامل.
