20 مليار دولار في الطريق.. إيرادات السياحة المصرية بتزيد بقوة

السياحة المصرية داخلة على مرحلة نمو جديدة، والأرقام بتكشف أن القطاع بقى واحد من أهم مصادر الدولار لمصر.

وزير السياحة والآثار أعلن أن إيرادات السياحة زادت حوالي 30% خلال أول 9 شهور من السنة، بعد ما كانت حققت نمو بحوالي 20% في نفس الفترة من السنة اللي فاتت، وسجلت وقتها نحو 13.6 مليار دولار.

لكن الطموح أكبر من كده بكتير.. مصر مستهدفة توصل بعدد السائحين لحوالي 30 مليون سائح سنويًا، وده محتاج زيادة ضخمة في الطاقة الفندقية.

وعشان كده الدولة بتستهدف إضافة حوالي 420 ألف غرفة فندقية، بالتزامن مع تطوير المقاصد السياحية وطرح منتجات جديدة وفتح أسواق سياحية مختلفة.

والهدف النهائي هو زيادة مدة إقامة السائح ورفع حجم إنفاقه داخل مصر. أما الإيرادات، فالتقديرات بتشير لإمكانية وصولها لحوالي 20 مليار دولار خلال السنة المالية 2026-2027، مع استمرار نمو أعداد الوافدين والاستثمارات السياحية.