فرصة شغل جديدة للشباب.. مترو الأنفاق يعلن وظائف مونوريل غرب النيل بالتعاون مع ألستوم

لو بتدور على شغل جديد، وخصوصًا في مجال المواصلات والنقل، فيه فرص شغل جديدة في مونوريل غرب النيل.

الشركة المصرية لإدارة وتشغيل مترو الأنفاق أعلنت فتح باب التقديم على وظائف جديدة بنظام التعاقد، بالتعاون مع شركة ألستوم، استعدادًا لتشغيل وإدارة المشروع.

التقديم بدأ من السبت 26 سبتمبر، ومستمر لحد الخميس 1 أكتوبر 2026، والتقديم بيتم إلكترونيًا من خلال موقع الشركة.

الوظائف متاحة في 3 مسارات رئيسية: مهندس، وصراف تذاكر أو مشرف محطة، وفني.

المهندسين مطلوب منهم تخصصات زي الكهرباء والكهروميكانيكا والاتصالات والإلكترونيات والميكاترونك، بينما وظائف الفنيين تشمل الكهرباء والاتصالات والإلكترونيات والميكانيكا.

ومن أهم الشروط إن المتقدم يكون ذكر، سنه مايزيدش عن 35 سنة، ومن سكان القاهرة الكبرى، وموقفه من التجنيد واضح، ويقدر يشتغل بنظام الورديات.
وكمان لازم يجيد الكمبيوتر والإنجليزي، ويجتاز الاختبارات المطلوبة.