نص مليون تلاجة وفريزر.. استثمارات صينية جديدة تضخ في مصر
الصين مش بس بتصنع في مصر.. دي كمان بتوسع استثماراتها وبترفع إنتاجها.
شركة "هاير" الصينية داخلة مرحلة جديدة من التوسع في السوق المصري، بهدف إنتاج حوالي نص مليون تلاجة وفريزر سنويًا.
والتوسع ده معناه إن مصر بتتحول بشكل أكبر لمركز لتصنيع الأجهزة المنزلية، مش بس علشان تلبية احتياجات السوق المحلي، لكن كمان بهدف دعم التصدير للأسواق الخارجية.
"هاير" بدأت استثماراتها في مصر ضمن توجه أوسع من الشركات العالمية لتوطين صناعة الأجهزة المنزلية، والاستفادة من موقع مصر كبوابة للتصدير إلى أسواق أفريقيا والمنطقة.
والهدف مش مجرد زيادة عدد الأجهزة اللي بتتعمل في مصر، لكن كمان رفع الطاقة الإنتاجية وزيادة نسبة التصنيع المحلي، وخلق قاعدة صناعية أكبر للأجهزة الكهربائية.
يعني ببساطة.. بدل ما التلاجة تدخل مصر جاهزة من بره، الاتجاه دلوقتي إن إنتاجها يزيد هنا، والاستثمار يكبر، ومصر تتحول لمركز تصنيع وتصدير.
نص مليون تلاجة وفريزر كل سنة.. و"هاير" لسه بتوسع استثماراتها في مصر.
