قبل ما تروح وحدة المرور.. خطوات الاستعلام عن مخالفات المرور 2026 برقم اللوحة وسدادها أونلاين

لو عايز تعرف عليك مخالفات مرور ولا لأ، وتدفعها من غير ما تروح وحدة المرور، الموضوع بقى أسهل وأسرع.

تقدر تستعلم عن مخالفات المرور 2026 إلكترونيًا من خلال موقع النيابة العامة أو بوابة مصر الرقمية.

على موقع النيابة العامة، تدخل على خدمات المرور، وبعدها خدمات نيابات المرور الإلكترونية، وتختار الاستعلام عن المخالفات، وتدخل بيانات العربية المطلوبة، وهتظهرلك المخالفات وقيمة الغرامات المستحقة، ولو السداد متاح إلكترونيًا تقدر تدفعها مباشرة.

وكمان تقدر تستعلم باستخدام رقم اللوحة من خلال بوابة مصر الرقمية، عن طريق اختيار خدمات المرور الإلكترونية، ثم الاستعلام عن المخالفات وإدخال بيانات العربية واللوحة والمحافظة لو مطلوبة.

ولو شايف أن فيه مخالفة غلط، تقدر تعمل تظلم إلكترونيًا، تختار المخالفة وتوضح سبب الاعتراض وتتابع نتيجة الطلب.

أما السداد، فتختار المخالفة ووسيلة الدفع المناسبة، وتكمل العملية إلكترونيًا، والأفضل تحتفظ بإيصال الدفع.