الأتوبيس الترددي BRT يدخل مرحلة جديدة على الدائري.. 16 محطة و320 أتوبيس كهربائي

لو بتستخدم الطريق الدائري بشكل يومي، فخلال شهر سبتمبر الجاي فيه خطوة جديدة هتفرق معاك، وهي تشغيل المرحلة التانية من الأتوبيس الترددي BRT.

المرحلة الجديدة هتبدأ من طريق الإسكندرية الزراعي لحد محطة الجولف، وهتضم حوالي 16 محطة رئيسية، مرورًا بمناطق المعادي والأوتوستراد والمريوطية والمنصورية، وصولًا لطريق الفيوم عند محطة صن كابيتال.

والأتوبيسات دي كهربائية ومصرية الصنع، والوزارة متعاقدة على 320 أتوبيس، منهم 100 أتوبيس شغالين حاليًا، و20 أتوبيس هيدخلوا الخدمة في سبتمبر.

أما الطريق الدائري نفسه، فبيتم تطويره وتوسعته من 4 لـ7 حارات، مع تخصيص حارة كاملة للأتوبيس الترددي.

والـBRT بيقدر يشيل من 40 لـ50 راكب، وبيتحرك كل دقيقتين لـ3 دقائق، بمسار معزول، وده يساعد على تقليل الزحمة وعدد العربيات والميكروباصات على الدائري.