الإسكان تفتح باب الاستثمار بشكل جديد.. مفاضلة إلكترونية وطرق سداد متنوعة

لو بتفكر تستثمر في أراضي المدن الجديدة، فوزارة الإسكان أعلنت عن منظومة جديدة لتخصيص الفرص الاستثمارية، والهدف الأساسي منها زيادة الجدية والشفافية واختيار الشركات القادرة فعلًا على تنفيذ المشروعات.

أهم تغيير أن المستثمر لازم يسدد مقدم ثمن الأرض بالكامل وقت التقديم، بالإضافة للمصروفات الإدارية ومجلس الأمناء، وده علشان يثبت قدرته المالية ويقلل فرص المتاجرة في الأراضي بدل تنميتها.

وكمان التقديم والمفاضلة هيتموا إلكترونيًا من خلال بوابة خدمات المستثمرين.

أما المستثمرين الأجانب، فتم استحداث محفظة إلكترونية للسويفتات، يقدر المستثمر يسجل فيها تحويلاته ويستخدمها في فرص استثمارية مختلفة، ولو ماكسبش الفرصة، المبلغ يرجع للمحفظة ويقدر يستخدمه تاني.

والمنظومة بتتيح كمان أكتر من طريقة للتخصيص والسداد، مع مدد تنفيذ مختلفة حسب طبيعة وحجم كل مشروع.