مصر داخلة على نقلة جديدة في صناعة الأحذية.. 2.5 مليون زوج سنويًا للتصدير

مصر مش بس بتصنع أحذية للسوق المحلي.. المرة دي في مشروع جديد بيجهز ينافس في أسواق بره.

شركة "سكاي نوفا" هتبدأ مشروع جديد في مدينة الجلود بالروبيكي باستثمارات حوالي 12 مليون دولار، بطاقة إنتاجية ضخمة تصل لـ2.5 مليون زوج أحذية سنويًا.

والموضوع مش إنتاج وبس.. المشروع مستهدف منه صادرات بحوالي 148.4 مليون دولار لحد 2032، وكمان هيوفر حوالي ألف فرصة عمل، منهم 900 عامل مصري.

والأهم إن المشروع مستهدف يعتمد على 45% مكون محلي، مع نقل تكنولوجيا وخبرات عالمية في تصنيع الأحذية ومعالجة الجلود.

يعني الروبيكي مش مجرد مدينة للجلود.. مصر بتجهز تخليها نقطة انطلاق لمنتجات مصرية رايحة للأسواق العالمية.