أهلا مدارس 2026 من القاهرة لأسوان.. اعرف أقرب معرض ليك ونسب الخصم
لو بتجهز ولادك للمدرسة وعايز تعرف أقرب مكان لمعرض أهلاً مدارس 2026، فوزارة التموين أعلنت خريطة المعارض في محافظات كتير من القاهرة لحد أسوان.
المعارض هتبدأ يوم 25 أغسطس 2026، وتستمر لمدة شهر، وده هيديك فرصة تقارن بين الأسعار والجودة قبل بداية الدراسة.
والميزة الأهم أن التخفيضات هتتراوح بين 30% و70% على عدد من المستلزمات المدرسية.
في القاهرة هتلاقي المعرض الرئيسي في مدينة نصر، وكمان أماكن في المرج وشبرا وبولاق وحلوان، وفي الجيزة فيه معارض بالبدرشين وإمبابة و6 أكتوبر والشيخ زايد.
وكمان المعارض موجودة في الإسكندرية والقليوبية والمنوفية والسويس والبحيرة والشرقية والدقهلية وأسيوط وأسوان.
وهتلاقي فيها الزي المدرسي الشنط والأحذية، الكشاكيل والأقلام والأدوات المكتبية والكتب الخارجية، وكمان بعض الأجهزة والسلع الغذائية.
يعني قبل ما تشتري.. اعرف أقرب معرض ليك وقارن الأسعار واستفيد من الخصومات.
