40 مليار دولار في مصر.. شركة قطرية بتحضر تضاعف استثماراتها.. إيه اللي جاي؟
الجمعة 14/أغسطس/2026 - 03:00 ص
رقم ضخم جدًا على خريطة الاستثمارات في مصر.. 40 مليار دولار.. شركة "الديار القطرية" أعلنت إن استثماراتها الحالية في مصر بتتجاوز 7 مليارات دولار، والهدف إنها توصل لحوالي 40 مليار دولار خلال الـ10 سنين الجايين.
والجزء الأكبر من الخطة مرتبط بالتوسع في مشروعات جديدة، وأبرزها مشروع "علم الروم" في الساحل الشمالي، واللي بيتنفذ على 5 مراحل، ومدة تنفيذ المشروع بالكامل حوالي 15 سنة.
والمرحلة الأولى لوحدها استثماراتها متوقعة توصل لـ 4.4 مليار دولار، يعني حوالي 220 مليار جنيه، مع توقعات إن مبيعات المرحلة الأولى تتجاوز 6 مليارات دولار.
أما المشروع بالكامل، فالشركة بتستهدف مبيعات تتخطى 50 مليار دولار عند اكتماله. يعني قطر شايفة فرص كبيرة في السوق المصري، والسنين الجاية ممكن تشهد توسع أكبر في استثماراتها
