اعرف هتقبض إمتى.. وجدول مرتبات أغسطس بعد الزيادة الجديدة

لو أنت موظف حكومة ومستني مرتب أغسطس، فوزارة المالية أعلنت الموعد الرسمي للصرف، والقبض هيبدأ من يوم 23 أغسطس 2026، والمتأخرات المالية هتتصرف أيام 6 و9 و10 من نفس الشهر.

الوزارة أكدت كمان أن المرتبات هتكون متاحة من خلال البنوك، ومكاتب البريد، وماكينات الصراف الآلي، وطلبت من الموظفين عدم التزاحم لأن الفلوس هتفضل موجودة في الحساب من أول يوم الصرف. 

الجميل أن مرتبات أغسطس هتستمر بنفس الزيادة الجديدة اللي بدأ تطبيقها من يوليو، بعد رفع الحد الأدنى للأجور، والدرجة الممتازة بقت 14 ألف و900 جنيه، والدرجة الأولى 10 آلاف و800 جنيه، والدرجة الثانية 9500 جنيه، والدرجة السادسة 8100 جنيه.

يعني الزيادة مستمرة مع مرتب أغسطس، وكل موظف هيقبض حسب درجته الوظيفية، ولو لسه مقبضتش مرتب يوليو، فالصرف بالزيادة الجديدة مستمر وفق الجدول اللي أعلنته وزارة المالية، علشان كل العاملين يستفيدوا من الزيادات المقررة بالكامل دون أي تأخير.