احذر.. 5 أخطاء قد تتسبب في رفع عداد الكهرباء وفصل الخدمة نهائيًا

لو فاكر إن شركة الكهرباء مش هترفع العداد غير لو اتأخرت في سداد الفاتورة.. يبقى لازم تعرف المعلومات دي.

في حالات محددة يحق فيها لشركة الكهرباء رفع العداد أو فصل الخدمة نهائيًا، حتى لو كنت مش متوقع.

أولها.. التلاعب في العداد أو سرقة التيار الكهربائي، ودي من أخطر المخالفات وبتترتب عليها إجراءات قانونية.

ثانيًا.. استخدام العداد المنزلي في نشاط تجاري أو صناعي من غير تعديل التعاقد مع شركة الكهرباء.

ثالثًا.. الاستمرار في عدم سداد المديونيات بعد الإنذارات والإجراءات القانونية، وده ممكن يؤدي لإنهاء التعاقد ورفع العداد.

رابعًا.. منع موظفي شركة الكهرباء من فحص العداد أو إجراء المعاينة الفنية عند الحاجة.

وخامسًا.. لو صاحب الاشتراك نفسه طلب إنهاء التعاقد، بعد سداد كل المستحقات وإتمام الإجراءات.

عشان تحافظ على عدادك، سدد الفواتير أو اشحن العداد بانتظام، ومتعبثش بالعداد، ومتغيرش نشاط استخدام الكهرباء من غير الرجوع للشركة.

دقايق بسيطة من الالتزام.. ممكن توفر عليك إجراءات وغرامات ومشاكل كبيرة بعد كده