الفراخ والبيض خطر.. وزارة الزراعة تكشف الحقائق بشأن الدواجن والبيض

الفراخ والبيض خطر على صحتك.. السوشيال ميديا مقلوبة الساعات اللي فاتت بحالة من االقلق بعد ما انتشرت بوستات وإشاعات كتيرة بتخوف الناس وتشكك في سلامة الفراخ والبيض اللي في السوق.

لكن خليني اقولك أن معهد بحوث صحة الحيوان بوزارة الزراعة طلع يحسم الجدل.

الدكتورة سماح عيد مدير المعهد طلعت وطمنت كل المواطنين واكدت ان ده كلام مغلوط ومالوش أي أساس من الصحة وهي مجرد حملات تشكيك بتستهدف الصناعات الناجحة.

وقالت إن عندنا منظومة رقابية قوية وصارمة جداً بتراقب كل مرحلة في الإنتاج من أول المزرعة لحد ما الأكل يوصل لبيتك.

المعهد أكد إن مصر محققة اكتفاء ذاتي كامل من بيض المائدة وبننتج حوالي 16 مليار بيضة سنوياً من خلال 3750 مزرعة.

ومش بس بنكفي السوق المحلي لأ ده احنا كمان بنصدر لبرة وده لأننا بنطبق منظومة عالمية ومعتمدة اسمها "المنشآت المعزولة الخالية من الأمراض" يعني جودة وأمان على أعلى مستوى.