هبوط تاريخي.. كيلو الطماطم بقى بـ 7 جنيه
الجمعة 12/يونيو/2026 - 05:00 ص
رسميا كيلو الطماطم بـ 7 جنيه بس.. وزارة الزراعة واستصلاح الأراضي أعلنت عن هبوط تاريخي في أسعار الطماطم بعد الارتفاعات القياسية اللي شوفناها ووصل سعر الكيلو لـ 70 جنيه.
وده بسبب انتهاء الفجوة بين العروات الزراعية وضخ كميات ضخمة جدا من إنتاج العروة الصيفية الجديدة في الأسواق.
والمفاجأة إن الوزارة أكدت إن السعر مستقر حاليا في الأسواق وبيتراوح من 7 لـ 15 جنيه بس للكيلو.
كمان طمنت المواطنين إن كل المحاصيل سليمة تماما ومفيش أي أوبئة مأثرة على الإنتاج والوزارة بتكثف كمان حملات التفتيش والرقابة على الأسواق عشان تظبط الأسعار وتمنع استغلال بعض التجار وتقفل الفجوة السعرية تماما والمتوقع إن الوفرة تزيد والأسعار ترخص أكتر في شهور الصيف مع دخول إنتاج العروات الجديدة لمحافظات تانية.
