فاتورة الكهرباء ولعت؟.. 4 أجهزة ممكن ترفع استهلاكك في الصيف

خلال فصل الصيف وارتفاع درجات الحرارة، ناس كتير بتتفاجئ بزيادة فاتورة الكهرباء بشكل كبير، والسبب مش دايمًا عدد الأجهزة، لكن طريقة استخدامها.
أكتر جهاز بيستهلك كهرباء هو التكييف، خصوصًا لما بيتضبط على درجات منخفضة جدًا زي 18 درجة، بينما درجة 24 تعتبر الأفضل للتبريد وتوفير الاستهلاك.
كمان السخان الكهربائي من الأجهزة اللي بتستهلك كهرباء حتى لو مش بنستخدمه بشكل مباشر، لأنه بيفضل يسخن المياه تلقائيًا طول الوقت، عشان كده الأفضل تشغيله قبل الاستخدام بنص ساعة وفصله بعد الانتهاء.

الثلاجة والديب فريزر كمان بيزيد استهلاكهم في الصيف بسبب فتح الباب بشكل متكرر ودخول الهواء الساخن، وعلشان كده لازم نقلل مرات الفتح ونتأكد من وجود تهوية جيدة خلف الجهاز.

أما الكاتل أو غلاية المياه، فرغم صغر حجمها إلا إنها بتسحب كهرباء عالية جدًا، خاصة مع تكرار استخدامها. الحل هو غلي الكمية المطلوبة فقط.. ولتوفير أكبر، استخدم لمبات الليد، وشغل المراوح بدل التكييف وقت انخفاض الرطوبة، وراجع استهلاك أجهزتك باستمرار.