هيوفر 40% من الفاتورة.. الكهرباء بتسهل تحويل العداد الكودي لقانوني
هيوفر عليك 40٪ من فاتورة الكهرباء.. لو مركب عداد كودي وبتشتكي كل شهر من الفاتورة العالية فتعالي أقولك على الحل اللي هيوفرلك حوالي 40% من استهلاكك.
وزارة الكهرباء أتاحت رسميا خدمة تحويل العدادات الكودية لعدادات قانونية مسبقة الدفع عن طريق المنصة الموحدة لخدمات الكهرباء.
الموضوع مش بسيط ده هينقلك نقلة تانية خالص لأن العداد الكودي بيحاسبك على سعر موحد وغالي بـ 274 قرشا للكيلووات من غير أي دعم.
لكن العداد القانوني بيدخلك جوه نظام الشرائح المنزلية المدعومة اللي بتبدأ من أول 68 قرشا بس للكيلووات.
وبالمناسبة التحويل ده مش بس هيوفر في فلوسك ده كمان هيخلي العداد يصدر باسمك رسمي ويثبت قانونية العقار ويضمنلك خدمة دايمة ومستقرة.
كل اللي محتاجه علشان تقدم صورة بطاقة الرقم القومي وصورة من عقد ملكية أو إيجار الشقة ومعاهم العقد بتاع العداد الكودي أو آخر إإيصال شحن ونموذج قبول التصالح النهائي.
هتدخل على المنصة وترفع الورق وبمجرد ما يتوافق عليه هيتحدث بياناتك وتستلم كارت الشحن الجديد باسمك ومن غير ما تحتاج تغير العداد الحالي.
