الحق ضيف أولادك.. التموين فتحت الباب لضم أفراد الأسرة على البطاقات أونلاين

من غير زحمة ولا طوابير.. لو عايز تضيف الزوجة أو الأبناء لبطاقة التموين بتاعتك فـ الموضوع بقى سهل جداً ومن بيتك وده من خلال منصة مصر الرقمية ويخطوات بسيطة.

أول حاجة بتدخل على المنصة وبتختار خدمة التموين وبعدها تضغط على ضم أفراد أسرتي.

ولازم رب الأسرة بس هو اللي يقدم الطلب.. الخدمة دي متاحة لإضافة أفراد الأسرة الأحياء اللي موجودين فعلاً في بطاقات تانية بس مش رب أسرة في بطاقته عشان السيستم يقبل الضم بسهولة.

بس خد بالك  التموين أكدت إن تحديث البيانات بدقة هو الضمان الوحيد لاستمرار صرف السلع التموينية للمستحقين وده بيفتح المجال لدخول مستفيدين جدد وبيضمن إن الدعم يوصل للناس اللي محتاجاه فعلاً فـ لازم تتأكد إن كل بياناتك متحدثة وصحيحة عشان تتجنب أي وقف مفاجئ
كمان فيه كلام كتير عن تحول الدعم العيني لنقدي في الفترة الجاية فـ تحديث بياناتك دلوقت هيخليك جاهز لأي تغييرات قانونية ممكن تحصل والتكنولوجيا دلوقت بقت بتخلص كل حاجة في دقايق سواء استخراج كعب عمل أو تفعيل بطاقة التموين.