هنحفر 75 بئر بترولي جديد خلال سنة واحدة.. خطة الحكومة لتحقيق اكتفاء ذاتي من المواد البترولية
مصر عندها حلم وأنها تتحول من دول مستوردة للبترول لدولة مصدره له.. والنهاردة مصر أخذت خطوة جديدة للوصول لحلمها... ياتري اية هيا الخطوة دي وازاي هتنفع مصر في خطة الوصول لوقف استيراد البنزين والسولار من الخارج.
علي مدار سنين طويلة ولحد 2002 كانت مصر واحد من اكبر الدول المصدرة للمواد البترولية للخارج خصوصا الغاز الطبيعي، ولكن بعد التاريخ ده حصل أن انتاجنا بدا يتراجع وبالتالي مصر سنة ورا التانية بدأت توقف التصدير الخارجي ويادوب تكفي الاحتياج المحلي، والسنين كملت دورتها وفؤجنا اننا بقينا بتستورد أكثر من 40% من احتياجاتنا من الخارج وده جه في وقت مصر محتاجه توفر فيه كل دولار علشان هتصرف في حاجات تانية أهم.
طيب اية سبب مشكلة نقص السولار والبنزين والغاز الطبيعي في السوق المصري؟.
خلال السنين اللي فاتت وبسبب اهمال بعض الحكومة، الشركات الأجنبية العاملة في مصر وققفت اغلب شغلها في مجال تطوير وتحديث أبار البترول واللي حصل لها تقامد وانخفاض المخزون الاستراتيجي الموجود تحتها بسبب عدم تطوير الآبار، وبالتالي انتاج آبار البترول الموجودة في مصر انخفض جدا وحصل تراجع له، وده جه في الوقت اللي اغلب الشركات والاستثمارات الأجنبية اللي موجودة في السوق المصري في مجالات التنقيب عن ابار البترول الجديدة وقفت اغلب شغلها بسبب ان الشركات دي مكانتش بتاخذ مستحقاتها اللي موجودة عند الحكومة، وبالتالي الشركات اضطرت أنها تعلق شغلها لحين الحصول علي فلوسهم.
مع بداية الفترة الرئاسية الجديدة للرئيس عبدالفتاح السيسي واعاة تشكيل الحكومة والتكليفات اللي صدرت للحكومة بنسف كل العقبات اللي ادت لخروج عدد كبير من الشركات ورؤوس الأموال الأجنبية من السوق المصري، كان أول قرار للحكومة هو صرف مستحقات الشركات الأجنبية العاملة في مصر وأولهم الشركات العاملة في مجالات التقيب والكشف عن الأبار البترولية، وفعلا الحكومة وفت بوعدها وصرفت نسبة كبيرة من مستحقات الشركات، وده اللي خلي اغلبهم يرجعوا يستأنف شغله مرة تانية في السوق المصري بصورة طبيعية وكمان في شركات جديدة دخلت السوق المصري للعمل بيه خصوصا أن مصر دولوقتي بقي عندها التزام بسداد كل التزماتها المالية للشركات الأجنبية .
الالتزام الحكومي بدفع الالتزامات المالية للشركات خلت السوق المصري بقي سوق جاذب لعدد كبير من الشركات العالمية، واللي حاليا بدوا يعلنوا عن اكثر من كشف بترولي جديد ده غير أن مصر استعانت بـ3 حفارات حديثة بقدرة ألف حصان لتكثيف أعمال الحفر في 75 بئر بترولي جديد أعلنت الشركات اكتشافهم مؤخرا وهيتم الانتهاء منهم خلال 12 شهرًا في حقول غارب وهيوصل الانتاج الأجمالي من الآبار الجديدة لـ 7500 برميل يوميا، وده هيدي دفعة قوية للانتاج المحلي من المواد البترولية وهيقرب الحكومة من حلها بالوصول لتحقيق اكتفاء ذاتي من المواد البترولية ومش هتكون محتاجين نستورد حاجة تاني من برا.
