14.5 مليار دولار.. شوف الحكومة دعمت القطاع الخاص ازاي لادارة موراد الدولة
الحكومة عايزة القطاع الخاص هو اللي بيشيل الاقتصاد المصري وبتدعمه وبكل طاقة.. ياتري ازاي الحكومة بتدعم القطاع الخاص لاداره ملفات الاقتصاد المصري، واية السر في ده.. واية اللي هيوعد علي الاقتصاد المصري منه.
من فترات طويلة والحكومة المصرية بدأت تنفذ برنامج الاصلاح الاقتصادي بالتعاون مع صندوق النقد الدولي، واللي جزء كبير من نجاحه بيتوقف علي مشاركة القطاع الخاص في الاصول والشركات اللي بتملكها الدولة المصرية وده بهدف تحويل خسائرها لارباح في الناتج القومي المصري، وكمان زيادة ايرادات الدولة من دخول القطاع الخاص والمشاركة في القطاعات والمؤسسات المملوكة للدولة، وكمان تقليل الانفاق الحكومي علي القطاعات المختلفة.
الفترة اللي فاتت ومن خلال برنامج الطروحات الحكومة أعلنت عن التخارج من عدد كبير من الأصول والشركات التابعة لها، وفعلا البرنامج ده حتي الآن قدم كل المطلوب منه والحكومة بتستهدف الوصول لـ30 مليار دولار من برنامج الطروحات، وفعلا الحكومة أكدت أنها مكملة في خطة الطرح اللي اقرتها لطرح الشركات والأصول في البورصة قدام القطاع الخاص.
طيب اية اللي بتعمله الحكومة علشان تعظم مشاركة القطاع الخاص؟.
الحكومة حاليا عملت ثورة علي التشريعات وعملت إصلاحات هيكلية كبيرة جدا هدفها إطلاق طاقات القطاع الخاص من خلال تبسيط اللوائح التنظيمية وتعزيز ثقة المستثمرين وتطبيق وثيقة سياسة ملكية الدولة واللي بتهدف لتوضيح دور الدولة الاقتصادي وتوفير مساحة أوسع لنمو القطاع الخاص، ونتيجة للجهود وصلت معدلات استثمارات القطاع الخاص لـ 63% في الربع الأول من العام المالي الحالي من إجمالي الاستثمارات في مصر، مقارنة بنسبة 27% قبل 3 سنين من دلوقتي، والدولة بتستهدف زيادتها بشكل مستمر في الفترة اللي جاية، وده هيحصل من خلال قيام الحكومة بإطلاق حوافز مالية جديدة، وإنجاز إصلاحات هيكلية هدفها تحفز وزيادة الاستثمارات الخاصة والتحول للتركيز على القطاعات القابلة للتداول والتجارة.
الحكومة كمان علشان تحفظ مشاركة القطاع الخاص قررت إتاحة تمويلات بأكثر من 14.5 مليار دولار من بداية 2020، ورفعت التمويلات الميسرة الموجهة للقطاع الخاص لـ 4.2 مليار دولار علشان تعدي التمويلات الموجهة للقطاع العام لأول مرة خلال 2024، والدعم الحكومي للقطاع الخاص تضمن كمان توفير معلومات موثوقة وسهلة الوصول عن طريق منصة حافز واللي بتعد منصة رقمية موحدة هدفها التسهيل علي القطاع الخاص للوصول إلى أدوات التمويل والدعم الفني والمناقصات وبرامج التدريب.
