هيوصل لـ5 آلاف جنيه خلال أيام.. أسباب زيادة أسعار الذهب وتوقعات الأيام المقبلة (فيديو)
أسعار الذهب ركبت الريح، ووصلت لأرقام تاريخية... ياتري سعر الذهب هيفضل يرتفع كده لحد امتي.. وامتي سعر الجرام هيوصل لـ5000 جنية.. وهل الذهب ممكن ينحفض تاني؟
اللي متابع لاسعار الذهب في مصر هيعرف أن اسعار الذهب وصلت لأرقام قياسية، ولأول مرة اسعار الذهب عيار 21 واللي هو الأكثر مبيعا وانتشارا في مصر يعدي 4500 جنية ودلوقتي فاضل له حاجات قليلة جدا ويوصل لـ5 الاف جنية والغريب أن سوق الصرف في مصر مستقر، ومفيش حاجة تستدعي ان أسعار الذهب توصل للارقام دي.
طيب ايه خلي اسعار الذهب في مصر ترتفع للارقام دي ؟
خلال 48 ساعة اللي فاتوا اسعار الذهب في مصر سجلت اكثر من 300 جينة ارتفاع في الذهب عيار 21 واللي هو الاكثر مبيعا وانتشارا في مصر خصوصا في القري والمحافظات، والزيادة دي سبب التوترات الاقتصادية العالمية الكبيرة اللي موجودة حاليا بين الولايات المتحدة الأمريكية والصين، خصوصا بعد الرسوم الجمركية الأخيرة اللي اقرها الرئيس الامريكي دونالد ترامب والزيادة الـ50% اللي اقرها علي البضائع والسلع الصينية، والرد الصيني عليها واللي اقرت هيا كمان زيادة في الضرايب الجمركية علي السلع والبضائع الامريكية بنسبة125% خصوصا أن الضرايب دي جاية بين اكبر قوتين اقتصاديتين في العالم، ودي ادي لوجود توترات اقتصادية كبيرة في البورصة العالمية، وطبعا لها انعكاس مباشر علي الاسعار وحركة التجارة العالمية بشكل كامل.
التوترات الاقتصادية اللي خلقتها الرسوم الجمركية الاخيرة والرد الصيني عليها واللي عملوا توترات اقتصادية عالمية في العالم كله وادوا لوجود ارتفاعات كبيرة في اسعار السلع في العالم كله، كان لهم تاثير برضوا علي اسعار الذهب في العالم كله واللي شهدت ارتفاعات كبيرة جدا ووصلت لأرقام قياسية لأول مرة تحصل في العالم كله، والأسعار العالمية دي كان لها انعكاس مباشر علي الأسعار عندنا هنا في مصر واللي بدأت تسجل ارتفاعات يوم بعد التاني من لحظة الوعود اللي اتكلم عليها الرئيس الأمريكي ترامب وقت اعلان برنامجه الانتخابي مرورا بالوصول لحكم البيض الأبيض واقراره الرسوم الجمركية الجديدة قبل ما يتراجع عنها ويأجلها لمدة 90 يوم كاملة علي كل الدول باستثناء الصين واللي أعلن عن اقرار زيادة 50% علي الرسوم الجمركية بتاعتك ووصل حاليا اجمالي الرسوم الجمركية علي البضائع والسلع الصينية اللي بتدخل للسوق الأمريكي لـ104% ، وبعدما الصين اعلنت زيادة الرسوم الجمركية بتاعتها علي البضائع الأمريكية من 84 الي 125%.
التوترات الأقتصادية دي عملت حالة قلق في البورصة الدولية، وخلت اسعار الذهب خلال اقل من 48 ساعة ترتفع باكثر من 300 جنية، خصوصا أن اسعار الذهب عيار 21 واللي كانت بتتراوح من 4350 إلي 4400 ارتفعت حاليا لأكثر من 4700 جنية للجرام وحاليا في توقعات بتقول أن سعر الجرام هيوصل لـ5 الاف جنية خلال وقت قريب جدا.
