أكبر مدينة جلود في المنطقة.. الروبيكي فخر الصناعة المصرية
ايه اللي بيحصل في مدينة الروبيكي لصناعة الجلود وازاي المدينة هتستقبل استثمارات بمليارات الدولارات وايه التصور النهائي المشروع الأهم في المنطقة من نوعه.
مدينة الروبيكي لصناعة الجلود واحدة من مدن صناعية كتير بنتها مصر في عهد الرئيس السيسي زي مدينة الدهب ومدينة الأثاث في دمياط وزي مدينة صناعة الغذاء في السادات ومدينة صناعة الدواء في الخانكه ومدينة صناعة الرخام في الجلالة وا غير المناطق الصناعية الكبيره اللي بنتها الدولة وحذبت استثمارات ضخمة زي المنطقة الاقتصادية لقناه السويس.
وهنتكلم النهاردة عن مدينه الجلود في الروبيكي لأن ليها قصة مهمة جدا بتكشف عن مدى تطور الإدارة في الدولة المصرية لما فكرت تطور منطقة سور مجرى العيون الأثرية ويعيدها لسابق عصرها منطقة سياحية مهمة الحكومة واجهت أزمة بسبب انتشارا ورش الدباغة وصناعة الجلود اللي كانت منتشرة بشكل عشوائي في المنطقة ومن هنا قررت مصر انشاء اكبر مدينة لصناعة الجلود في الروبيكي ونقل المدابغ القديمة ليها والنهاردة منطقة سور مجرى العيون بقت مزار سياحي وفي نفس الوقت تم تطوير صناعة الجلود في مصر بشكل غير مسبوق واضافة قيمة جديدة للاقتصاد المصري.
الجديد في مشروع مدينة الجلود المصرية في الروبيكي أنها بتستعد لاستقطاب استثمارات إجمالية بإجمالي 2 مليار دولار خلال مرحلتها التالتة واللي بتشمل إنشاء 100 مصنع حسب تأكيد شركة القاهرة للاستثمار والتطوير العمراني والصناعي اللي بتتولى إدارة المشروع... واللي كشفت إن حوالي نص عدد المصانع دي تم تخصيصها لمستثمرين بالفعل والباقي هيطرح خلال سنتين .
وعشان تعرف اكتر المشروع القومي لمدينة الجلود بالروبيكي بيعتبر أول منطقة صناعية متخصصة في مصر لإقامة مشروعات دباغة وصناعة الجلود بجانب الصناعات المكملة والمغذية ليها كمان وبدأ تنفيذ المشروع القومي على 3 مراحل منذ مايو 2016 ومخطط إن مصر تتحول لمركز إقليمي في صناعة وتصدير المنتجات الجلدية في المنطقة بأرقام كبيرة.
والمرحلة التاالتة من مدينة الجلود بتستهدف تصدير منتجات بقيمة مليار دولار سنويا عند اكتمال المرحلة بحلول 2030 وهتتحول الي قاعدة تصديرية للمنتجات الجلدية المصرية للنفاذ لكبرى الأسواق العالمية وحوالي 40% من المصانع هتركز على التصدير وإحلال الواردات يعني صناعة الجلود اتحولت من مدابغ يدوية لمصانع حديثة هتصدر بملايين الدولارات ودا اللي كنا نقصده لما قلنا الفكر الجديد للإدارة في عصر الرئيس السيسي واللي بيقوم على أحياء للصناعات التراثية والقديمة وتطويرها وتحويلها لإضافة كبيرة في الاقتصاد المصري واستيعاب عمالة اكتر ودا اللي حصل في مدينة الروبيكي.
