مجمع صناعي جديد هيعمل قلبان في مصر.. هل هنبطل استيراد بسببه؟
هي إيه قصة المجمع الصناعي اللي مصر بتعمله دلوقتي وهيعمل قلبان في المنطقة، هيكون متخصص في ايه بالظبط وإيه المكسب المتوقع منه، وهل ممكن يغنينا عن الاستيراد؟
في الحقيقة، الحكومة المصرية بتجهز مجمع صناعي عالمي دلوقتي، وهو مجمع الستوم الصناعي الضخم في منطقة برج العرب، واللي بيتم إنشائه دلوقتي.
والمجمع الصناعي ده، موجود في مدينة برج العرب بالإسكندرية، وبيتم انشاؤه على مساحة 40 فدان، وبالفعل تم نزول المعدات الخاصة بتجهيز الموقع تمهيدا لتنفيذه.
كمان، المجمع ده هيضم مصنعين، الأول لإنتاج الأنظمة الكهربائية ومكونات السكك الحديدية، زي ( إشارات – مكونات – لوحات ودوائر كهربائية للتحكم – ضفائر كهربائية وغيرها)، والتاني مصنع لإنتاج كافة أنواع الوحدات المتحركة ( مترو – ترام LRT- – مونوريل – قطار سريع )
ونقدر نقول إن المشروع الضخم هيساهم في تلبية إحتياجات السوق المحلي، والانطلاق كمان التصدير لكل دول الشرق الأوسط وافريقيا، ومش بس كده لأ ده كمان هيوفر الآلاف من فرص العمل.
وبيتم تنفيذ المشروع ده في إطار خطة توطين مختلف الصناعات في مصر، ومنها صناعة الوحدات المتحركة تنفيذا لتوجيهات الرئيس عبدالفتاح السيسي رئيس الجمهورية، عشان كده قامت وزارة النقل بالتواصل مع مجموعة من الشركات العالمية للإستثمار في مجال تصنيع وسائل النقل السككى، عشان توفر العملة الصعبة وتنقل الخبرة للعمالة المصرية وتصدر الفائض للدول الافريقية والعربية.
برضو، وزارة النقل نسقت مع شركات عالمية لإنشاء مصانع متخصصة في مجالات السكك الحديدية المختلفة، زي التعاون مع شركة ألستوم الفرنسية لإنشاء مجمع صناعي في برج العرب،بالإضافة لإنشاء مصنع لإنتاج كافة أنواع الوحدات المتحركة، و التعاون مع شركة كول واى الإسبانية لإنشاء مصنع لإنتاج المكونات الداخلية لقطارات السكك الحديدية ووسائل النقل الجماعي في مصر بورش كوم أبو راضي.
كمان، بيتم التعاون مع شركة هيونداى روتيم الكورية الجنوبية والشركة الوطنية المصرية لصناعة السكك الحديدية ( نيرك ) لإنشاء مصنع لإنتاج قطارات مترو الأنفاق، وبالفعل تم التعاقد مع الهيئة القومية للأنفاق على تصنيع وتوطين صناعة 40 قطر مترو بإجمالى عدد (320 عربة ) لخطوط مترو القاهرة الكبرى الثانى والثالث، وجارى إنشاء المصنع بمنطقة شرق بورسعيد و التعاون مع شركة نيرك وإحدى الشركات العالمية المتخصصة في إنشاء مصنع لإنتاج عربات السكك الحديدية العالمية المتخصصة في منطقة شرق بورسعيد.
ونقدر نقول، إن تم الاتفاق على تحقيق نسبة توطين لعربات السكك الحديدية عشان توصل ل 80 %، وده بجانب التعاون مع شركة فوست البين النمساوية لإنشاء مصنع لإنتاج مفاتيح السكك الحديدية ولإدارة وتشغيل وتطوير ورش العباسية لإنتاج تفريعات السكك الحديدية.
كل ده بجانب التعاون مع شركة السويس للصلب لتصنيع القضبان والقطاعات الثقيلة لإنشاء مصنع لتصنيع القضبان بطاقة إنتاجية من 800 ألف إلي مليون طن سنوياً، و6 مصانع كمان لإنتاج فلنكات السكك الحديدية، و4 لإنتاج لفلنكات القطار السريع.
وطبعا كل المشروعات دي هتعمل قلبان في المنطقة، لأنها هتحول مصر لكتلة صناعية واقتصادية قوية جدا، وهتدخل مليارات الدولارات للبلد قريب جدا، وكمان هتفتح باب الاستثمارات في القطاع الصناعي من قدام كل المستثمرين في العالم.
