سر صعود أسعار الدهب.. والأسعار رايحة على فين الشهور الجاية
يا ترى إيه سر صعود أسعار الدهب في الفترة الأخيرة، وإزاي المعدن الأصفر قدر يحقق أعلى مكاسب له في التاريخ، وهل هيفضل مستمر على وتيرة المكاسب دي كتيرة ولا ممكن تحصل انخفاضات قريب.
في الشهور الأخيرة وتحديدا من بداية سنة 2025، وأسعار الدهب في الصعود، عشان تتجه لتسجيل أفضل أداء لها في آخر 6 أسابيع، وده يسبب مخاوف الحرب التجارية بين أمريكا والصين، وضعف الدولار مقابل المعدن النفيس.
عشان كده، ارتفعت أسعار الدهب فى المعاملات الفورية بنسبة 0.3%، عشان بسجل 2919.19 دولار للأوقية أو الأونصة، أما قى العقود الأمريكية الآجلة فسجل 2926.40 دولار.
ونقدر نقول، إن المعدن الأصفر حقق مكاسب بتزيد عن نسبة 2% خلال الأسبوع، وده أفضل أداء له من شهر يناير، وساهمت سياسات التعريفات الجمركية المتغيرة اللي تبناها الرئيس الأمريكي دونالد ترامب لتأجيج حالة عدم اليقين الاقتصادي، وده دفع المستثمرين للتحوط بالدهب ضد أي أزمات اقتصادية محتملة أو ممكن تحصل قريب.
كمان، مؤشر الدولار الأمريكي بيتجه لأسوأ أداء أسبوعي له من يوم 7 نوفمبر 2022، وده بيعلى من أسهم الدهب قدام العملة الخضرا، عشان يساهم في تحقيق مكاسب غير مسبوقة.
برضو، ضعف مؤشر الدولار، ومخاوف التعريفات الجمركية والأرقام الضعيفة من الاقتصاد الأمريكي، كانت عوامل دعمت الدهب وعلت من أسهم بشكل كبير عشان كده ارتفعت أسعاره في الأسواق المحلية في كل بلاد العالم.
وفي أول الأسبوع ده، تراجع نمو الوظائف الخاصة في أمريكا، وكمان انخفضت طلبات إعانة البطالة الأمريكية أكتر من المتوقع، ودي كانت أسباب تانية كفيلة تدعم الدهب.
أما بالنسبة للمعادن النفيسة التانية، فانخفضت الفضة في المعاملات الفورية 0.5% إلى 32.47 دولار للأوقية وتراجع البلاتين 0.2% ل 965.15 دولار، في حين ارتفع البلاديوم 0.3% إلى 945.09 دولار، ووسط كل ده الدهب حافظ على تسجل 2926.40 دولار، عشان يحقق مكسب مهم جدا في الربع الأول من 2025.
ولو جينا لتوقعات الأسعار، فمتوقع ارتفاع الأسعار بشكل أفضل، خاصة ما استمرار التوترات الجيوسياسية والأوضاع الاقتصادية العالمية، وأهمها الحرب التجارية بين الولايات المتحدة والصين، ولكن لو انتهت الظروف دي ممكن يتوقف الارتفاع الجنوني للدهب والأسعار تنزل بشكل كبير.
ولو قيسنا الوضع عبى مصر، فطبعا السوق المصري اتأثر بالارتفاع ده، ومتوقع إن "جرام 21" يحقق مستوى تاريخي بواقع 4100 جنيه، ومتوقع مع منتصف 2025 إنه يوصل ل 4500 جنيه تأثرا بارتفاع الأسعار العالمية.
