بدائل صندوق النقد.. مصر بتفكر إزاي في مستقبل الاقتراض الخارجي؟
واضح كده إن مصر مش هتاخذ اي قروض تانية من صندوق النقد الدولي، ولا هيكون في تعامل بين الحكومة والصندوق.. ياتري اية السر المفاجأة دي.. ومين البدائل اللي موجودة قدام مصر في الوقت الحالي.
الشروط الصعبة اللي حطتها صندوق النقد الدولي للحكومة المصرية لتنفيذها علي الشعب المصري واللي أغلبها بيتعلق برفع الدعم عن المنتجات والسلع اللي بتقدمها الحكومة للناس بسعرها الحقيقي.
وزي ما اتغودنا من القيادة السياسية أنها علي طول في صف الشعب، ولما شافت أن تطبيق الشروط دي علي الشعب في الوقت اللي الدولة بتعاني فيه من صعوبات جيوسياسية واللي نتج عنها صعوبات اقتصادية كبيرة وطبعا لها آثار مباشرة علي الشعب المصرى، فتم اصدار تعليمات للحكومة بالتفاوض مع صندوق النقد الدولي لتأجيل وتخفيف تنفيذ بعض الشروط وده اللي حصل والدولة في الفترة اللي فاتت أجلت تنفيذ عدد كبير من الشروط اللي كان المفروض تكون دلوقتي طبقة من فترة بعيده واللي هيا خاصة برفع الدعم وكان أهم وجود زيادات في أسعار البنزين والسولار وشرائح الكهرباء بارقام اكبر بكتير من الموجودة عليها دلوقتي .
طيب اية هيا بدائل ما ؤ بعيد عن صندوق النقد الدولي لو عايزة تأخذ قروض ؟
مصر حاليا عضو عامل في واحد من أكبر التكتلات الاقتصادية في العالم واللي بيضم عد. كبير من الدول الصناعيه زي البرازيل روسيا والصين والهند ومصر والإمارات وإيران وأثيوبيا، والمجموعة دي عندها بنك اسمه بنك التنمية الجديدة واللي وجود بيمثل دور مهم جدا لمجموعة البريكس، ومهمته تقديم قروض وتمويلات ميسرة للدول الأعضاء وبفايدة أقل من القروض اللي بتقدمها الدول والصناديق المالية في العالم وكمان إجراءاته بتكونةاسهل بكتير وده هيكون البديل المثالي لمصر في الوقت الحالي بعيد عن صندوق النقد الدولي.
الفترة اللي فاتت مصر بدأت تأخذ خطوات علشان تحصل علي قروض من بنك التنمية الجديد وفعلا الدولة قدمت طلب للحصول علي قرض بقيمة مليار دولار، ومصر ممكن تطلب أكثر بس في حالة إنهاء الاتفاق مع صندوق النقد الدولي ودي هتكون خسارة كبيرة للصندوق خصوصا أن مصر تاني أكبر دولة اخذت قروض من الصندوق بعد الارجنتين، وفي الوقت الحالي صعب جدا علي الصندوق أنه يخسر عضو زي مصر خصوصا أن أغلب الدول بعدت كتير جدا عن الاستدانة من صندوق النقد الدولي بسبب شروطه الصعبة.
