ترقب وحذر في الأسواق.. إزاي رسوم "ترامب" الجمركية هتأثر على الشركات والمستهلكين خلال 2025؟
يا ترى إيه هو تأثير رسوم "ترامب" الجمركية على الأمريكان، هل في حالة رضا عن القرارات دي ولا لأ، وإيه هو موقف الشركات الأمريكية والمستهلكين بعد البدء الرسمي في تنفيذ القرارات؟
في الحقيقة، كان الاقتصاد الأمريكي أول اقتصادات العالم اللي اتأثرت بقرارات ترامب بخصوص الرسوم الجمركية، وحصل تراجع في مؤشرات كتيرة زي الأسهم، وده لأنه أول قطاع بيتلقى أي صدمات اقتصادية.
وواقعيا، سجلت الأسهم الأمريكية أكبر انخفاض لها في شهرين، مع تراجع مؤشر "ستاندرد آند بورز 500" بنسبة 1.7%، وده بيعتبر أسوأ أداء للمؤشر منذ ديسمبر الماضي، عشات يشهد مؤشر "ناسداك" تراجع هو كمان بنسبة 2.2%، كأسوأ انخفاض له منذ شهر يناير اللي فات.
كمان، التقارير الاقتصادية بتؤكد على حدوث تباطؤ في النمو بسبب التحديات اللي بيواجهها أكبر اقتصاد في العالم، زي ارتفاع تكاليف الاقتراض والتضخم.
وأسواق الأسهم بتشهذ تذبذب حاد دلوقتي ؤفي الوقت اللي بدأ فيه تأثير سياسات الرئيس ترامب خاصة الرسوم الجمركية، واللي ظهر بوضوح على معنويات المستهلكين والشركات، فانخفضت مبيعات المساكن بنسبة 4.9% في يناير، وتراجع مؤشر ثقة المستهلك في فبراير، وده اتسبب قي حالة من القلق بشأن المستقبل الاقتصادي.
ضيف على ده، إن البيانات كشفت عن وجود انكماش في النشاط الاقتصادي في قطاع الخدمات لأول مرة من سنتين، نتيجة لارتفاع تكاليف المدخلات بسبب الرسوم الجمركية وضغوط الأجور، وده ساهم في تراجع مبيعات واسعة في سوق الأسهم، وانخفض نحو ثلاثة أرباع الأسهم في «ستاندرد آند بورز 500»، في حين كانت أسهم السلع الاستهلاكية الأساسية هي الوحيدة اللي ارتفعت.
كمان الأرقام بتقول إن حصل انخفاض في مبيعات المنازل نسبة 4.9% خلال شهر يناير، واتراجع مؤشر ثقة المستهلك في فبراير بشكل حاد، مع ارتفاع توقعات التضخم لأعلى مستوى من سنة 1995.
ولكن، شهدت أسواق السندات ارتفاع مع توجه المستثمرين نحو الأصول الآمنة، وانخفض عائد سندات الخزانة الأمريكية لأجل 10 سنوات ل 4.43%، عشان كده زاد الإقبال على سندات الخزانة الأميركية مع ارتفاع أسعارها، وده ساهم في انخفاض العائد على السندات لأجل 10 سنوات إلى أدنى مستوى في أسبوعين.
كل ده بيؤكد إن قرارت "ترامب" بخصوص الرسوم الجمركية عملت هزة جامدة في الاقتصاد الأمريكي خاصة على مستوى الشركات والمستهلكين، فما بالك بقى بالدول التانية خاصة دول العالم التالت؟
