فلوس بدون مجهود.. إزاي تستثمر 100 ألف جنيه بشكل آمن وتكسب منها
يا ترى لو أنت محوش مبلغ 100 ألف جنيه وعايز تستثمرهم صح وتكسب منهم كمان، تعمل إيه، طبعًا قدامك خيارات كتير، دهب وشهادات وكمان بورصة، طب إيه هو أفضل اختيار والأنسب ليك.
في الحقيقة، الادخار أو الاستثمار في الوقت الحالي صعب جدًا، ولكن رغم كده في وسايل أو أوعية ادخارية كتيرة آمنة وسهلة وتثدر تحط فيها فلوسك وبطنك فيه بطيخة صيفي، وده لأنها آمنة جدًا وعائدها ثابت سواء يومي أو شهري أو حتى سنوي.
وأول الأوعية دي، هي الدهب، فسهل جدًا حضرتك تستثمر 100 ألف جنيه في الدهب، يعني ممكن تشتري سبايك أو مشغولات بالفلوس وتعينها، ومع الوقت سعر الدهب بيغلي فممكن تختار الوقت المناسبك لك وتبيع بالزيادة، وبكده تكون حوشت فلوسك واستثمرتها صح الصح.
كمان عندك شهادات الادخار البنكية، يعني مثلًا ممكن تستثمر 50 ألف جنيه من خلال شراء شهادة الادخار من ـحد البنوك المصرية بفايدة بتوصل ل 23.5%، زي شهادة الادخار في البنك الأهلي وبنك مصر، واللي مدتها سنة والفايدة بتاعتها بتتصرف كل شهر.
كمان شهادة "طلعت حرب" من بنك مصر، مطروحة بعائد شهري 23.5% وعائد سنوي 27%، ولما تيجي تستثمر مبلغ 100 ألف جنيه خلال سنة، فى الشهادات ذات عائد 27% هيوصل العائد لـ 27000 جنيه فى نهاية العام الواحد، وعند استحقاق الشهادة بيتم إضافة أصل المبلغ إلى الحساب البنكى المرتبط بالشهادة، يعني إجمالى المبلغ بيبقي 127 ألف جنيه.
كمان عندك، بنك القاهرة، اللي بيقدم شهادة "البريمو" لمدة 3 سنين بسعر فائدة متغير بيصل لـ 19% بقيمة اكتتاب تبدأ بـ10 آلاف جنيه يتم صرف عائدها شهري، يعني على قد فلوسك استثمر.
ومن الشهادات البنكية للعقارات، ممكن كمان تشترك تحط فلوسك في نسبة من عقار، ونقدر نقولك إن الاستثمار العقاري هو نهج استثماري ناجح هو كمان، يعني ممكن تحط جزء من فلوسك في العقارات سواء كانت أراضي أو مباني، ومع الوقت هتحقق عائد مادي ثابت ومستمر، فلما تيجي تبيع العقار هتبيعه بسعر أعلى، كمان ممكن تأجره وتستفيد منه وتحصل على دخل شهري منه.
وفي النهاية، قبل ما تختار وعاء ادخاري معين تحط فيه فلوسك، حاول تدرسه من كل الاتجاهات عشان ماتخسرش وتقدر تحقق أعلى مكسب.
