وظائف جديدة في بنك مصر.. تعرف على الشروط
الجمعة 21/فبراير/2025 - 08:30 ص
في الساعات الأخيرة، بنك مصر، أعلن عن حاجته لموظفين جدد.. ولكن في شوية شروط لا تبقى متوفرة في المتقدمين، واللي أولها: إن سنوات الخبرة تكون من سنة ل 3 سنين في الخدمات المصرفية في شبكة الفروع، ولازم يكون حاصل شهادة جامعية في الفترة من سنة 2022 لحد 2024، والحد الأدنى لدرجة التخرج، يكون جيد.
كمان، البنك اشترط إجادة اللغة الإنجليزية، وكمان إجادة مهارات الكمبيوتر بشكل ممتاز وخاصة (MS Office)، والتمتع بمهارات شخصية جيدة زي مهارات الاتصال والعرض.
ولو حضرتك هتقدم فلازم ماتكونش دخلت أي اختبار لبنك مصر قبل كده، ومالكش قرايب شغالة في البنك من الدرجة التالتة.
أما بقى طريقة التقديم للوظائف، فبتبقى من خلال تقديم السي في بتاعتك على صفحة بنك مصر على موقع لينكد إن.
