ثروة بمليارات الدولارات.. مصر تستهدف قفزة كبيرة في مساهمة التعدين بالاقتصاد

ثروة بمليارات الدولارات تحت الأرض.. ومصر بتستهدف تحول قطاع التعدين من مجرد استخراج للثروات إلى مصدر أكبر للدخل والاستثمار.

التعدين واحد من القطاعات اللي مصر بتراهن عليها لزيادة مساهمة الاقتصاد، بفضل ما تمتلكه من ثروات معدنية، على رأسها الذهب والفوسفات والمعادن الأخرى اللي تدخل في صناعات كتير.

والتحرك لزيادة مساهمة القطاع في الاقتصاد معناه إن التركيز مش هيكون على استخراج الخام بس، لكن كمان على جذب استثمارات جديدة، والتوسع في عمليات التصنيع والتكرير، بحيث القيمة المضافة للثروات دي تفضل داخل الاقتصاد المصري بدل ما تقتصر الاستفادة على بيع المواد الخام.

والرقم الأهم هنا إن مصر بتستهدف رفع مساهمة التعدين في الناتج المحلي الإجمالي إلى 6% بدلًا من نحو 1% حاليًا، من خلال إصلاحات تشريعية ومالية، وتحسين فرص الاستكشاف، وجذب شركات واستثمارات جديدة للقطاع.

وده معناه إن الرهان مش بس على اللي موجود تحت الأرض، لكن كمان على قدرة مصر إنها تحوّل الثروات دي لصناعات وفرص عمل وصادرات تحقق عائد اقتصادي أكبر.