مشروع مكنش على البال وهيدخل مليارات الدولارات.. مصر بتعمل إيه في "خط الرورو"
مصر واحدة من اهم الدول الزراعية اللي بتصدر منتجات زراعية لاغلب دول العالم، ومصر عملت حاجة غيرت خريطة الصادرات الزراعية للخارج وهو خط الرورو.. ياتري اية حكاية الخط ده.. واية المميزات اللي قدمتها مصر لزيادة الصادرات الزراعية من خلاله.
مصر واحدة من اهم دول العالم في مجالات الصادرات الزراعية لاغلب دول العالم والمنتج الزراعي المصري حاليا عليه طلب كبير في الاسواق العالمية ومتفوق بنسبة كبيرة علي المنتج المحلي هناك، لكن للاسف مصر في الفترات اللي فاتت كانت بطبق اجراءات روتينة صعبة جدا ودي كانت السبب الاساسي في ضعف وعدم اقبال عدد كبير من المصدرين في الدخول لتصدير الحاصلات الزراعية بسبب أن نسبة كبيرة منها كانت بتبوظ وتتلف علي الدولة تديهم موافقات التصدير.
في الفترات الأخيرة مشاكل المصدرين كتير جدا بسبب تاخر الاجراءات والموافقات الروتونية جوا دهاليز الوزرات للحصول علي اذن السفر، ومع تولي الحكومة الجديدة للدكتور مصطفي مدبولي، الدولة قررت عمل حاجة اسمها خط الرورو وده عبارة عن خط بحري سريع بين مصر وإيطاليا، وده خط هدفه نقل الحاصلات الزراعية إلي إيطاليا منها إلي دول قارة أوروبا.
الخط البحري الجديد اللي بيربط مصر مع دول القارة الأوروبية من خلال ايطاليا بيبدأ من ميناء دمياط ووميناء تريستا الإيطالي، وبدأ تشغيل أولي رحلاته في 28 من نوفمبر 2023 والهدف منه زيادة حجم الصادرات المصرية الزراعية سريعة التلف زي الفراولة وغيرها للدول الأوروبية.
طيب اية الفايدة اللي رجعت علي مصر من تشغيل خد الرورو؟.
الخط الجديد اللي دشنته مصر مع إيطاليا هدفه زيادة تصدير الحاصلات الزراعية، والدولةعلشان تدعم المصدرين، عملت تخفيضات كبيرة فيه لتكاليف الشحن وزمن وصول البضائع لتعزيز قدرة مصر علشان تكون منطقة لوجستية مركزية بين أوروبا وأفريقيا وزيادة وتعزيز الفرص التجارية ودعم الصادرات المصرية، وتسهيل نفاذية المنتج المصري للأسواق الأوروبية، وتوفير فرص عمل مباشرة وغير مباشرة للموظفين الإداريين لشركات النقل وشركات الشحن والوكلاء الملاحيية، ده غير توفير أكثر من 2000 فرصة عمل للسائقين المصريين.
مصر وإيطاليا قررات تخفيض رسوم الموانئ من 26050 دولار إلى 3250 دولار للرحلة بقيمة خصم وصلت لـ88%، ده غير تخصيص مساحة 35 ألف متر مربع للمشروع، ومشاركة البلدين في توصيل كل الخدمات للساحة وإصدار خطاب ضمان حكومي من هيئة ميناء دمياط لصالح الجمارك المصرية ووزارة المالية وفرت جهاز كشف كشف معادن للمشروع.
الوزارات المسئولة عن تشغيل الخط في مصر وإيطاليا قرروا كمان تخفيض رسوم المرور على الطرق المصرية واللي كانت بتنص علي دفع 300 دولار لكل تريلا وارد و 350 دولار لكل تريلا صادر، ودلوقتي الرسوم بقت 100 دولار بس، ده غير أن تنسيق حصل بين إدارة الجوازات للسماح بخروج سائقي الشاحنات الأجنبية بشرط حصولهم على تأشيرة دول الإتحاد الأوروبى، وكمان السماح بدخول وخروج سيارات أجنبية بقيادة مالكها بشرط الحصول على تأشيرة دخول وخروج في مصر.
